Cadd Beca ei geni yng Nghymru fel fi
Yn faban corfforol ym mhlwyf Mynachlog Ddu,
Fe dyfodd i fyny yn uchel ei phen,
Fe gymrodd lawn feddiant o Gât Efail Wen. Dyma faled Levi Gibbon "Hanes Beca a'i Merched" a gyfansoddwyd a chyflwynwyd i Rebecca yn ystod y bedwaredd ganrif ar bymtheg. A ninnau yn yr unfed ganrif ar hugain, ac yn dilyn her gan Hywel Teifi Edwards, rydym yn galw ar haneswyr ac egin-gyfansoddwyr baledi i barhau â chwedl Rebecca heddiw yn yr un modd a wnaeth Levi Gibbon ar y pryd.
Yn y llun, a dynnwyd ar noson lansio Cystadleuaeth Baled Bro Beca gwelir (o'r chwith i'r dde): Richard Meade, ACTT; Tecwyn Ifan; Sarah Pugh, Swyddog Prosiect Bro Beca PLANED; Mererid Hopwood a Hywel Teifi Edwards.
Mae Prosiect Bro Beca yn cynnal cystadleuaeth baled i ddathlu hanes Terfysgoedd Rebecca yng Ngorllewin Cymru rhwng 1839- 1844.
Lansiwyd y gystadleuaeth yn swyddogol ar nos Wener Gorffennaf 8fed, 2005 yn Nghaffi Beca, Efailwen, gan Mererid Hopwood, Tecwyn Ifan a Hywel Teifi Edwards.
Cynhelir Cystadleuaeth Baled Bro Beca yn Nhy Bloomfield, Arberth ar nos Wener 4ydd Tachwedd 2005 am 7yh. Mae'r gystadleuaeth yn agored i bobol o bob oedran ac mae dosbarthiadau Cymraeg a Saesneg ynddi.
Merêd Evans, Phyllis Kinney, Robyn Tomos a Tegwyn Jones fydd yn beirniadu'r gystadleuaeth. Dylai thema'r faled gael ei selio ar hanes Terfysgoedd Rebecca a chael ei osod i dôn sydd eisoes yn bodoli. Fe fydd rhaid i chi berfformio eich baled ar y noson neu drefnu i rywun ei berfformio ar eich ran.
Mae Texaco wedi cytuno i noddi'r gwobrau am dosbarthiadau'r ieuenctid. Mae busnesau a sefydliadau lleol, gan gynnwys Ivor Rees a'i Fab, Brodyr Richards, Brodyr Young a Menter Iaith Sir Benfro, wedi cyfrannu tuag at noddi'r gwobrau yn nosbarth yr oedolion.
Gwobrau
Cystadleuaeth Oedolion Cymraeg/Saesneg
1af= £150, 2ail= £100, 3ydd= £50
Cystadleuaeth Ieuenctid Cymraeg/Saesneg
1 af= £150, 2ail= £100, 3ydd= £50
Perfformiad orau'r noson yn y Gymraeg/Saesneg- Tlws
Dyddiad cau ceisiadau i'r gystadleuaeth yw Dydd Gwener 21ain Hydref 2005.
Am fwy o wybodaeth am Gystadleuaeth Baled Bro Beca ac i dderbyn ffurflen gofrestri, neu os hoffech noddi gwobr cysylltwch â Sarah Pugh yn PLANED ar 01834 862105 neu sarahp@planed.org.uk. Ceir manylion hefyd ar ein gwefan brobeca.co.uk
Prosiecttreftadaeth cymunedol ary cyd yw Bro Beca rhwng ACTT yn Sanclêr a PLANED yn Arberth ac mae wedi ei ran-ariannu gan Gronfa Cyfarwyddyd a Gwarant Amaethyddol Ewropeaidd Amcan 1 yr Undeb Ewropeaidd.
Diolch yn fawr i Aled Vaughan am fod yn Glebranwr y mis hwn.
Ìý
