麻豆约拍

Trydargerdd (sef cerdd gaeth neu rydd sydd, fel un o negeseuon Twitter, heb fod dros 140 o nodau cyfrifiadurol): Cyfarchiad sy’n annhebygol o ymddangos mewn cerdyn cyfarch

Pob hwyl i'r Ffoaduriaid,
Hei lwc am ornest dda;
Ond os digwydd i chi ennill
Gobeithio gewch chi'r pla.

Aled Evans - 8.5 pwynt

Nadolig Llawen i ti Ceri
a diolch am dy holl waith.
Cyfarchion, Tîm Beirdd Myrddin.
(Pencampwyr 2017).

Gwennan Evans - 8.5 pwynt

Cwpled caeth yn cynnwys y gair ‘chwip’

Er i'w chwip'i brawychu hi,
Ei eiriau wnaeth ei thorri.

Aled Evans - 8.5 pwynt

Chwip din. Er na chipiwyd hon,
darfu cadernid Arfon.

Gruffudd Owen - 8.5 pwynt

Limrig yn cynnwys y llinell ‘Nid oes gen i ffydd mewn meddygon’

Nid oes gen i ffydd mewn meddygon
Ers gweld un i wella gwynegon.
Ni wyddai pa un
Oedd penelin neu dîn
Ni chefais wellhad o’i gynghorion.

Ann Lewis - 8 pwynt

Does gen i ddim ffydd mewn meddygon,
sy’n dweud mod i’n llawn afiechydon
achos wel, dyma fi
yn ddau gant a thri
a dwi dal ddim di nôl fy mhrescripshon.

Casia Wiliam - 8 pwynt

Hir-a-thoddaid yn cynnwys y llinell ‘Rhaid trio eilwaith: hwn yw’r tro olaf’ neu ‘Hwn

yw’r tro olaf: rhaid trio eilwaith’

Colli Rhiant

Rhaid trïo eilwaith, hwn yw'r tro olaf
ac fel eco daw'r 'byth eto' ataf
i f'annerch â'r un alwad na fynnaf
ei dannod yn atseinio amdanaf;
y mae'n filltir hir ond af rhyw un waith
at erwau'r daith am y tro diwethaf.

Lowri Lloyd - 9 pwynt

Ar ôl pob cweir, mae’n dyrnu’r un geiria’,
“Rhaid trio eilwaith: Hwn yw’r tro ola’”,
a dwi’n ei gredu. Mae’n dwyn goriada’n
dyner dyner i fy hanfod inna’.
Yma, heddiw, dwi’n madda’ - ei gariad
a’i deyrnasiad… ond bydd na dro nesa’

Gruffudd Owen - 10 pwynt

Pennill ymson wrth 诺glo

Mae’n wythnos UCAS eto
A’n natganiad personol sy’
Yn broblem na ellir ei datrys,
Rhaid g诺glo pwy ydw i.

Garmon Dyfri - 8.5 pwynt

Tybed oes cyfaredd
mewn byw heb gael pob ffaith?
Dwi wedi holi G诺gl
ond ni chefais ateb chwaith.

Casia Wiliam - 8. 5 pwynt

Cân (heb fod dros 20 o linellau a heb fod yn soned): Y Buddsoddiad

Ro’dd Wil Bach Cnwc y Berfedd yn floneg ugain stôn,

Y bai ar lager Wrecsam a Big Macs ‘nôl y sôn.

“Rhaid iti ‘whilo menyw i gario’r ffarm ymla’n

Mae’n ben set” meddai mami - “rhaid inni wella’th ‘ra’n.”

“Caf air yng nghlust y ffarier pan af am dro i’r dre

A'r driniaeth dan y cownter sydd yn ei feddiant e.”

Ac o ddydd i ddydd yn ddyfal aeth yr ugain stôn yn llai,

Gloddestai Wil fel arfer ond nawr fe fwydai ddau.

‘Mhen deufis roedd yn barod i fynd i olwg gwlad,

Ei wallt e wedi oelo, daps newydd am ei dra’d.

Cyn hir fe fachodd wejen, a bydd babi’n ôl y si;

Heb Gastric Band nac Atkins - ond hen goel o’r oes a fu :

“Mae gwerth i bob llyngyren” ys d’wedodd Preis y Fet….

Mae’r fferm nawr yn ddiogel, ac mae mam am brynu het.

Bryan Stephens - 8.5 pwynt

Rhyw hen joban ddrud gythreulig
‘di creu babi diwylliedig.

Er mwyn magu cyw bach barddol
rhaid wrth offer arbenigol,

megis wet-wipes Williams-Parry
a llun Saunders ar bob poti

a brodio englyn ar ei fest o.
(Dwi’n siwr gwnaiff un o fois Parc Nest o.)

Dim Jac y Jwc na Sali Mali
mond awdlau Alan wrth y pwysi.

Awn a chwarae recordiadau
fewn i’r groth o hen Dalyrnau.

(Ac rhag i unrhyw un gamddeall
nid rhai Ceri, jyst rhai Gerallt.)

Fe hawlia Gadair Genedlaethol
pan fydd o dal mewn trowsus ysgol,

ac ennill mawl a bri a chlodydd,
a hynny cyn plant Guto Dafydd.

(A ninnau’n mynd i’r ratsiwn drwbwl
‘sa well ‘ddo fod yn brifardd dwbwl!)

Gruffudd Owen - 9 pwynt

Ateb llinell ar y pryd

Yn y gwres mae rhywrai'n grin

Yn nhwr di-raen y werin.

Ffoaduriaid - 0.5 pwynt

Telyneg (heb fod dros 18 llinell): Brwydr

Fe'i holaf am yr awr wrth ei hymyl,

ei hôl yn annwyl o annelwig;

awr o glandro'r droriau

yn chwilio olion gorffennol;

sgwrsiwn am y byd a'i ddim o bwys

a throediwn yr un trywydd

trosodd a thro,

yn dyner o undonnog.

Yna daw ddoe trwy’r dyddiau hyn,

ei oriau yn gwawrio'n llachar

a’i lais yn gynnes o gyfarwydd,

daw i’n galw i droedio d诺r nant

a throi at lwybr mynydd;

awn ein dau yn gân a'n geiriau'n newydd,

mynnu oedi gwna’r munudau,

a gwelaf ôl camau ysgafn,

eu ffurf yn loyw,

yn mesur awr tu hwnt i amser.

Aled Evans - 9 pwynt

Fe ddaeth imi'n gyflawn heddiw
ar draeth o ludw du
a'r creigiau basalt fel peipiau organ

y daw'n awr gwneud nyth pan ddaw
ac nad 'di ots am drefn y dro
ar ôl cynefino â’i breuddwydio cyhyd;

gan mai natur pethau, pobl, fydd llithro
drwy’n dwylo fel gronynnau
ac y collir ninnau i rywrai’n ein tro
fel môr-wennol wen yng ngwynder y nen.

Byddai trio gohirio hyn
fel dyffryn yn trio cwffio rhewlif,
fel rhaeadr yn trio nadu'i hun rhag neidio,
neu fel craig yn gwrthod erydu i gnebrwng o fôr.

Ll欧r Gwyn Lewis - 9.5 pwynt

Englyn: Llysenw

 dig rwyf yn tadogi - yn d'adael
â dadwrdd fy ngweiddi
ond defod fy nghymodi
yw d'alw wrth d'enw di.

Lowri Lloyd - 9 pwynt

Hen dyddyn; dim byd iddo ond enw
a dynnwyd oddi arno
mor hawdd, wir, na chymrodd o
un haf i ni'i anghofio.

Ll欧r Gwyn Lewis - 9.5 pwynt

Enillwyr: Ffoaduriaid.