麻豆约拍

Trydargerdd : Nodyn o ymddiheuriad am fod yn hwyr

Er mynd heibio oed f’addewid

Cytunais i we-ddêt.

Gan ddweud yn Saesneg wrth y ferch

“It nefer is tw lêt.”

Elfed Evans - 8 pwynt

@GweinidogBrexit i @TheresaMay 18/04

鈥猄ori am golli'r cyfarfod,

鈥猂o'n i'n dysgu am y gyfreth.

鈥狟eth drafododd y cabinet?

鈥狝 golles i rwbeth?

Aneirin Karadog - 8 pwynt

Cwpled caeth yn cynnwys y gair 'glei'

Do glei, mae wedi glawio'n

Ddi-siap fel tap heddi to!

Nia Llywelyn - 8 pwynt

'Glei' a 'wes' yw'n hanes ni –

Wylwn o glywed 'rili'.

Emyr Y Graig - 8.5 pwynt

Limrig yn cynnwys y llinell ‘Pe bawn i ryw ddydd yn ymddeol’

Pe bawn i ryw ddydd yn ymddeol

O’r Swyddfa, be fyddai fy ngwaddol?

Hen ddesg heb ei chlirio

Ond wedi’i haddurno

葌 neges i’r Bos – “ Cer i’r diafol!”

Carol Byrne Jones - 8.5 pwynt

Pe bawn i ryw ddydd yn ymddeol

wedi cyfnod fel peilot gofodol,

mi faswn i wedyn,

i ddal dau pen llinyn,

yn chwilio am rywbeth mwy lleol.

Tudur Dylan - 8.5 pwynt

Cywydd (heb fod dros 12 llinell) – Protest

I’r aborijinî yn Awstralia

Distewi llef gyntefig,

Cyn dringo, brolio i’r brig –

Ai dyna gamp y dyn gwâr

A ddôi i ddofi’r ddaear?

Ar dalar y carcharor,

Ymhell y tu hwnt i’r môr,

A’r llawr yn lludw a llwch

Dan haul tanbaid anialwch,

Hen 诺r sy’n hawlio’u erwau,

Yn rhoi ei oll, a hi’n hwyrhau,

I chwyrnu canu pob cof

Ar utgorn sy’n byw’r atgof. *

*Didjiredoo

Terwyn Tomos - 9 pwynt

Mae'n hwyr ond mynnu herio
Y drefn yn ei flinder o
A wna fy mab, fy nghnaf mwyn
Diwyro er taw dirwyn
I ben, ar sgwâr gobennydd

Ym merw'r daith, y mae'r dydd.
Deiseb rhag i'r bore bach
Ei ormesu'n rymusach
Yw st诺r ymgyrchwr di-gwsg
Ar ei ymgyrch gwrth-drwmgwsg.

Gwn yn iawn y gwna' i heno
Eto'r hyn a wna' i bob tro...

Aneirin Karadog - 9.5 pwynt

Triban Beddargraff Consuriwr neu Gonsurwraig

Diflannu oedd ei forte

Neu lifio merch yn ddarne.

Fe gawn ni weld ar ddiwrnod gras

A ddaw e ma’s o’r fflame.

Mary Jones - 9 pwynt

Y gilotîn a'i sleis

Ddisgynnodd... nid peth neis;

Fe'i claddwyd isod mewn dwy arch

O barch yn hanner seis.

Fe ddaeth y sioe a'i thricie

I ben, diflannodd ynte;

I'r ochor draw yr aeth mewn blwch

A'i lwch terfynol... ife?

Emyr y Graig - 9 pwynt

Cân Ysgafn : Y Gymanfa

( Roedd ein heglwys yn cadw dwy Gymanfa a Phwnc sef Calan Hen a’r Sulgwyn.)

Ac yn y dyddiau hynny, yr Eglwys oedd yn llawn

O blant yn llafarganu eu Pwnc yn y prynhawn;

A nes ymlaen, yn hwyr y dydd, a’r golau bron diflannu

Fe gasglai’r corau o bob plwyf, yr Anthem Fawl i’w chanu.

Cyfrifoldeb y plant mwyaf oedd pwmpio’r fegin fawr

A chadw’r handlen bren i fynd, i fyny ac i lawr

Yn gyson, er mwyn i’r organ a’i phibau euraidd hir

Gynhyrchu nodau swynol a chanu mas yn bur.

Ond yn y flwyddyn honno, ein prif bwmpiwr grymus aeth

I dreulio’r Calan Hen gyda’i Anti yn Nhresaith

Roedd rhaid cael rhywun arall i weithio yn ei le.

Dewiswyd crwt o’r pentre’, un drwg - ond cryf ynte.

A minnau’n ddirprwy bwmpiwr, fy ngwaith oedd cadw trefn

Ar grwt we’n llawer fwy na fi, ac i fod iddo’n gefn.

Pan ddaeth y dydd, fe ddwedes, “Cofia, rhaid i ti bwmpio’n SLO..”

Ond ofer fu fy nghyngor a’m ple “Gad i fi gael go!”

Fe chwyddwyd yr hen fegin mor llawn o wynt nes, BANG,

Ffrwydrodd ! Ac ar ôl pesychiad poenus, poerwyd i bob man

Llwch oesoedd drwy’r pibellau dros bawb oedd yn y côr.

Gorffennodd ein Cymanfa yn s诺n tagu “ Mawl i’r Iôr”.

Carol Byrne Jones - 8.5 pwynt

Chi’r sopranos, cenwch chithau’r pennill cynta ar ei hyd,

wedyn tenor, bas ac alto cenwch chi yr ail i gyd.

Os oes Gogs ’di taro heibio, cenwch chwithau neno’r tad,

‘dyn dieithr ydwyf yma draw mae ngenedigol wlad.’

Pob yr un sy’n berchen satnav, dyma’ch llinell, hyn sy’n ffaith,

‘cyfarwydda wael bererin anghyfarwydd ar y daith.’

Dyma lein yr ailadroddus, cenwch hon yn gryf a llawn,

‘Iachawdwriaeth, iachawdwriaeth, iachawdwriaaeth werthfawr iawn.’

Os oes rhai yn rhwym ers dyddiau, cedwch chwithau fflam y ffydd,

daw gollyngdod mawr pan genwch ‘caethion fyrdd yn dod yn rhydd.’

Os oes arbenigwyr tywydd, yna dyma beth a gawn,

‘Cawod hyfryd yn y bore, ac un arall y prynhawn.’

Os oes rhai ’di bwyta gormod ac yn stwffio rhwng pob pryd,

hon yw’ch llinell, ‘dyma gryfder sydd yn dal y pwysau i gyd.’

Os oes rhai o lannau Teifi, neu yn Gardis fwy neu lai

‘Dwed i mi a wyt yn maddau gwympo ganwaith i’r un bai.’

Cenwch chwithau’r rhai dros ninety, boed yn fenyw neu yn ddyn:

‘mae nghyfeillion adre’n myned o fy mlaen o un i un.’

Mae’r gymanfa fod i gychwyn heno’n brydlon iawn am saith

‘dechrau yma ar y ddaear, para i dragwyddoldeb maith.’

Tudur Dylan - 9 pwynt

Ateb llinell ar y pryd

Da yw gweld yn Hendy Gwyn

Adeilad, a Duw'n dilyn.

Glannau Teifi - 0.5 pwynt

Telyneg :Moddion

Fuoch chi erioed mewn trallod

Yn eich cornel tywyll, du;

Heb un dabled na chwystrelliad

Fyddai’n lleddfu’ch poenau lu?

Pan fo’r casyn wedi sigo

A’r hen feddwl bach ar chwâl;

Pan fo’r galon ar fin rhwygo

A dim balm i’r enaid sâl.

Ewch da chi am dro drwy’r ddrycin;

Hafan bur yw’r Ynys Las.

Yno ’mysg y gwynt a’r tonnau

Fe gewch ddiosg clwyfau cas.

Nerys Llywelyn - 9 pwynt

Mae hi’n hongian fel gwên ar gam

uwch y tân, ei chân ar goll dan wydr gwell

ac odli pell y cloc.

Hi yw hon – cyn i glwyfau wisgo’i chorff

a’i chrogi’n ffrâm – yn llawn yfory,

yn llygaid glân.

Hi yw hon, yn syllu fel sbectol

ar ei stafell olaf. Gwydr o win ar y bwrdd.

Tegannau’n friwsion.

Ac mae e’n edrych arni, weithiau, wrth dwtio’r dydd

i gornel arall dan olau modrwy’r nef.

Deall yn glir, wedyn,

nad moddion yw amser, ond medd.

Gwynfor Dafydd -9 pwynt

Englyn: Pont

Agor Ysgol Gymraeg Hafan y Môr, Dinbych y Pysgod

Fe rown ein hen gyfrinach – i uno

Dau hanner heb grintach;

Nid yw’r ffin rhwng dwy linach

O unrhyw bwys i’r rhai bach.

Terwyn Tomos - 9.5 pwynt

Er dyfned, er lleted yw lli’r afon,

rywfodd, 'run yw’r stori,

ers hen oes fe’i croeswn hi

drwy estyn ein gwên drosti.

Tudur Dylan - 9 pwynt

Enillwyr - Tir Iarll