Urdd Ofydd er Anrhydedd (Gwisg Werdd)
Parchedig Bed Wyn James, Caerfyrddin
Bu'n weinidog yn y Barri ac yn ddolen bwysig rhwng yr Eglwys Gymraeg a'r Ysgolion Cymraeg. Symudodd i Gaerfyrddin yn 2002 lle mae' n weithgar; un enghraifft o'i llu swyddogaethau yw Cadeirydd Pwyllgor Apêl Caerfyrddin ar gyfer Prifwyl yr Urdd, 2007.
 Urdd Derwydd er Anrhydedd (Gwisg Wen)
Rhoswen Llewellyn, Cwmfelin Mynach
Cafodd ei chymeradwyo gan lu o' i chyd-ardalwyr am ei gwaith gwirfoddol i fywyd ei bro. Bu'n bennaf gyfrifol am sefydlu Cangen Merched y Wawr, Gronw.
Arloesodd gyda Phapur Bro ei hardal (Y Cardi Bach) gan fod yn Llywydd, Golygydd a Chysodydd am tua chwarter canrif ac mae'n parhau i gyfrannu'n gyson iddo. Eleni, mae'n dathlu hanner can mlynedd fel athrawes Ysgol Sul Ramoth, Cwmfelin Mynach ac mae wedi arwain cenedlaethau o blant a phobl ifanc i arfer eu dawn gyhoeddus mewn pob math o weithgareddau. Mae hefyd yn llenor a bardd ac fe ddaeth i'r brig ar y gystadleuaeth `Portreadau o Dri Chymeriad Lleol' yn Eisteddfod Genedlaethol Tyddewi, 2002.
 Urdd Derwydd er Anrhydedd (Gwisg Wen)
Osi Rhys Osmond, Llansteffan.
Brodor o Watville, Gwent. Graddiodd o Goleg Celf Casnewydd a Chaerdydd. Mae'n wlatgarwr brwd a dysgodd Gymraeg yn nodedig o dda. Wedi ymsefydlu yn Llansteffan, y mae'n ennyn parch gan bawb am ei weithgarwch dros ei gymuned leol.
Bu'n gefnogol i orielau ym Mhenfro a Myrddin a rhoes gyngor a chefnogaeth fuddiol iawn i'r Brifwyl mewn cyswllt a Chelfyddyd Gweledol. Yn safon ei waith fel athro a darlithydd, ysbrydolodd genedlaethau o Artistiaid ifanc. Mae'n genhadwr effeithiol dros Gymru a Chymreictod ymhlith y di-Gymraeg ac ar y llwyfan rhyngwladol.
 Urdd Cerddor (Gwisg Las)
Meinir Richards Mus.Bac., Y Garth, Llanddarog
Bu'n athrawes gerdd Gyfun Gyfun Gŵyr ac yn awr yn bennaeth adran gerdd Ysgol Bro Myrddin. Mae hefyd yn arweinydd Côr Llanddarog a'r cylch.
 |
Ìý
