Gwrthgyrff monoclonaidd – Haen uwch yn unig
Cynhyrchu gwrthgyrff monoclonaidd
Ystyr ‘mono’ yw un ac ystyr ‘clôn’ yw copi unfath. Felly, mae gwrthgyrff monoclonaidd yn gopïau unfath o un math o wrthgorff.
Proteinau a gynhyrchir gan fath o gelloedd gwyn y gwaed a elwir yn lymffocytauCelloedd gwyn y gwaed sy’n ymosod ar bathogenau drwy gynhyrchu gwrthfiotigau. yw gwrthgorffProtein sy’n cael ei gynhyrchu gan system imiwnedd y corff sy’n ymosod ar organebau estron (antigenau) sy’n cyrraedd y corff.. Mae gan pathogenMicro-organeb sy’n achosi clefyd. broteinau ar eu harwyneb a elwir yn antigenOrganeb estron sy’n cyrraedd y corff ac sy’n sbarduno adwaith imiwn.. Pan fydd pathogen yn heintio’r corff, mae’r lymffocytau’n adnabod yr antigenau hyn fel rhai estron ac yn ymosod arnynt drwy gynhyrchu gwrthgyrff.
Mae gwrthgyrff yn glynu wrth antigenau penodol ar bathogenau, hynny yw, dim ond un math o wrthgorff wnaiff lynu wrth antigen cyfatebol. Darganfu gwyddonwyr y gallent wneud gwrthgyrff i lynu wrth antigenau ar sylweddau eraill, ac nid y rhai sydd ar bathogenau’n unig. Unwaith y maent wedi glynu, caiff yr antigenau – a’r sylweddau y ceir nhw arnynt – eu huno’n dynn â’i gilydd. Mae hyn yn eu gwneud yn haws eu canfod a’u trin.
Ffurfio gwrthgyrff monoclonaidd
- Chwistrellir brechiad sy’n cynnwys antigen i lygoden.
- Mae’r llygoden yn cynhyrchu lymffocytau'n naturiol, sy’n cynhyrchu gwrthgyrff penodol i’r antigen.
- Tynnir celloedd y ddueg sy’n cynhyrchu’r lymffocytau yn ystod llawdriniaeth fach.
- Caiff celloedd y ddueg eu huno â chelloedd gwyn canseraidd y gwaed sef cell myelomaCell tiwmor sy’n rhannu dro ar ôl tro drwy broses mitosis. i ffurfio cell hybridomaCell myeloma wedi’i chyfuno â chell cynhyrchu gwrthgorff. sy’n rhannu’n ddiderfyn.
- Mae’r celloedd hybridoma hyn yn rhannu ac yn cynhyrchu miliynau o wrthgyrff monoclonaidd penodol i’r antigen gwreiddiol.
Defnyddiau i wrthgyrff monoclonaidd
Diagnosis a thriniaeth canser
Mae gan rai mathau o gelloedd canserAfiechyd sy’n cael ei achosi gan gelloedd arferol yn newid ac yn tyfu drwy fitosis yn afreolus. Mae’r tyfiant hwn yn achosi i lwmp, o’r enw tiwmor, gael ei ffurfio. antigenau penodol ar eu harwyneb, sef marciwr tiwmorProtein ar wyneb celloedd tiwmor sy’n gallu cael eu hadnabod gan y system imiwnedd.. Gellir cynhyrchu gwrthgyrff monoclonaidd i lynu’n benodol at yr antigenau hyn. Wrth gael eu chwistrellu i mewn i gorff rhywun, bydd y gwrthgyrff monoclonaidd yn glynu at y celloedd canser hyn ac yn eu bwndelu gyda’i gilydd. Mae hyn yn ei gwneud yn haws canfod tiwmorLwmp o gelloedd sy’n ffurfio o ganlyniad i gelloedd yn rhannu’n afreolus. canseraidd, a all gael ei drin neu ei dynnu wedyn. Os cysylltir y rhain â chyffuriau gwrth-ganser, fe wnânt gyfeirio’r cyffur yn uniongyrchol i’r celloedd canser.
Gall gwrthgyrff monoclonaidd drin canser drwy:
- gario cyffuriau sydd wedi’u clymu arnynt i’r tiwmor
- annog dy system imiwneddSystem amddiffyn y corff rhag clefydau a heintiau. i ymosod ar y celloedd canser yn uniongyrchol