Â鶹ԼÅÄ

Roedd hi fel y bedd yn Llanymddyfri ar brynhawn Sadwrn gan fod y rhan fwyaf o'r trigolion yng Nghaerdydd yn cefnogi'r Porthmyn.

Cafwyd perfformiad llawn penderfyniad, ias a chyffro gan y tîm a throdd y freuddwyd yn realiti wrth i'r Porthmyn sicrhau'r fuddugoliaeth unigryw.

Viv Jenkins, yr Asgllewr oedd y cyntaf i sgorio wrth gicio drwyddo i'r asgell cyn cael cais yn y gornel dde. Yn dilyn hyn, rhoddodd trosgais y gwib-hanerwr Howard Thomas Llanymddyfri 7-0 ar y blaen. Datblygodd yr hanner cyntaf yn ornest glos ond llwyddodd Caerdydd i grafangu nôl gyda dwy gic gosb cyn i Lanymddyfri gael un cic gosb a gorffen hanner amser 10-6.

Erbyn yr ail hanner roedd Caerdydd yn fwy hyderus a'r cefnwyr yn arbennig yn edrych yn eithaf peryglus. Ond cafodd Llanymddyfri hefyd adegau cofiadwy a dylsent fod wedi sgorio cais pe bai Tom Walker wedi ildio'r bêl ar linell Caerdydd. Wrth i'r gêm dynnu at ei therfyn, oherwydd y pwysau cynyddol gan Gaerdydd, trodd y sgôr 13-12 o blaid Llanymddyfri yn 13-18 i Gaerdydd wrth i Craig Evans sicrhau dwy gic adlam raenus. Roedd hi'n edrych fel petai 'ffleiars' y ddinas am fynd â hi.

Ond, dangosodd Y Porthmyn yr un penderfyniad a oedd wedi eu cynnal trwy gydol y gêm a brwydro nôl gydag un ymdrech fawr olaf. Enillodd Llanymddyfri y bêl yn agos at llinell Caerdydd a diolch i waith pasio bendigedig aeth Endaf Howells ymlaen i sgorio cais. Fe droswyd gan Howard Thomas a sicrhaodd hyn fuddugoliaeth hanesyddol 20-18 i'r Porthmyn.

Casglwyd y cwpan gan y capten Arwel Davies ac yna dathlwyd y fuddugoliaeth hyd at oriau mân y bore yn Llanymddyfri a go brin y byddai hyd yn oed y Ficer Pritchard wedi gwarafun hyn ar achlysur mor unigryw.

Ry'n ni yma o hyd a cherddwn ymlaen!!!

Meic Davies