 |
 |
|
'Dal ati' - neges Nadolig
Gwerth capel ac eglwys mewn dyddiau anodd |
|
|
|
Mae rhai sy'n mynychu digwyddiadau crefyddol dros y Nadolig yn cael eu hannog i barhau â'r arferiad gydol y flwyddyn.
Mewn neges Nadolig dywed Margaret Jones, llywydd Undeb yr Annibynwyr Cymraeg, y gall mynychu capel neu eglwys fod o help mewn dyddiau o ansicrwydd economaidd mawr.
Heidio dros y Nadolig
"Adeg y Nadolig bydd pobl yn llifo yn ôl i gapeli ac eglwysi Cymru, gyda dramâu'r plant a gwasanaethau carolau yn denu cynulleidfaoedd mawr.
"Ond unwaith mae'r Å´yl wedi mynd heibio, mae nifer o bobl yn troi eu cefnau ar Grist am flwyddyn arall," meddai.
"Eto, mae llawenydd yr Efengyl, sy'n fodd i godi calon pobl dros y Nadolig, ar gael iddyn nhw drwy'r flwyddyn. Mae mor drist bod cymaint yn anghofio hyn ac yn ymdrechu i ymdopi â phroblemau bywyd heb gymorth Duw."
Yn bwysicach nag erioed
Yn ei neges dywed Miss Jones hefyd fod y gymuned Gristnogol "yn bwysicach nag erioed" pan ydym ar drothwy problemau economaidd a chymdeithasol "na welsom ni mo'u tebyg".
"Mae'n cynnig cyfeillgarwch, diogelwch a chymorth i bobl drwy stormydd bywyd ac rwy'n annog pawb a deimlodd gysur a bendith mewn gwasanaethau Nadolig i geisio'r ymdeimlad yna ar hyd y flwyddyn trwy fynychu capel neu eglwys.
"Cofiwch - dim ond dechrau'r stori oedd y Nadolig," meddai.
Gwefr y geni - ymateb bardd
|
|
|
|
|
 |
 |
 |
|
Ìý