Â鶹ԼÅÄ

Plant ac ieuenctid Bethel oedd yn gyfrifol am y gwasanaeth dechreuol.

Cafwyd pleser a mwynhad, yn blant ac oedolion yn canu emynau, newydd i rai ohonom, o adran y plant. Yn rhai o'r caneuon 'roedd gofyn am symudiadau, bysedd sydd yn clic/o, pen sydd yn nodio, traed sydd yn tapio, gliniau sydd yn plygu, trwyn sydd yn crychu, 'sgwyddau sydd yn codi, dwylo sydd yn clapio - y cyfan yn rhodd gan Dduw.

Roedd gofyn hefyd am ganu Affricaneg a Sbaeneg mewn emyn arall! Da clywed fod pawb wedi mwynhau.

Eleri Jones, Eglwysbach oedd yn llywio y cyfarfod a chafwyd ganddi anerchiad oedd yn dwyn sylw y plant wrth iddi gyfeirio at wahanol bobl oedd wedi bod yn llwyddiannus ym myd chwaraeon.

Gofynnwyd y cwestiwn sut mae'r bobl hynny yn rai llwyddiannus ac enwog. Mynegwyd yn ateb, efallai mai dawn naturiol sydd ganddynt, ond yn bennaf, oherwydd eu bod yn ymarfer yn gyson, oriau o ymarfer dydd ar ôl dydd.

Maent yn gosod nod i'w gyrraedd, golygai ymdrech. e.e. Rygbi, chwarae dros Gymru yng Nghwpan y Byd, tennis, ennill Wimbledon. Soniodd am un o gymeriadau y Beibl, yr Apostol Paul a ymdrechodd er iddo gael ei rwystro lawer tro i sôn am lesu Grist.

Daliodd ati i anfon neges lesu o amgylch y byd. Byrdwn ei neges oedd wrth ymdrechu'n galed ac ymarfer, gellir cyrraedd y nod.

Cafwyd datganiad ar yr organ gan Trystan Lewis, beirniad o'r Emyn-dôn fuddugol a gyfansoddwyd gan Gwenda Williams, Pwllglas gyda Mair Williams, Seion, Llanrwst yn ail. Llongyfarchiadau iddynt.

Cafodd y plant eu llongyfarch a'u gwobrwyo am y gwaith llaw yr oeddynt wedi ei wneud. Beirniad y cystadlaethau oedd Eira Jones Trefriw ac Eleri Jones, Dolgarog. Roedd y Festri yn werth ei gweld, gwaith lliwgar ac amrywiol.

Bu i Bryn Hughes, Eglwysbach, llywydd pwyllgor y Gymanfa, ddatgan gair o ddiolch i bawb fu'n ymwneud a'r Gymanfa yn arbennig i Gwenda Griffiths, Trefriw, yr ysgrifennydd, tu'n gyfrifol am yr holl drefniadau.