Â鶹ԼÅÄ

Biti nad yw'r cae chwarae mewn bodolaeth bellach ond cafwyd llawer o hwyl yn bwyta hufen iâ ac yn chwarae ger (ac yn) yr afon, gyda rhai o'r plant mawr wedi gwlychu at eu crwyn!

Diolch i bawb am gymryd rhan, ac i'r rhai fu mor garedig c noddi'r plant - llwyddwyd i godi dros £250.

Yna, ar y 18fed Mehefin, cynhaliwyd disgo yn neuadd yr ysgol gyda Leigh yn cyfrannu ei wasanaeth fel DJ am ddim unwaith eto - diolch yn fawr iawn iddo ef, i Mr Gwyn Grittiths y Pritathro am ganiatáu i ni gael defnyddio'r neuadd (hyn ynddo'i hun yn dangos ymddiriedaeth oherwydd mai hon oedd yr achlysur cyhoeddus cyntaf yn y neuadd newydd - diolch i \ Gwyn am gymryd y risg!), i Julie am siopa am y bwyd, ac i bawb fu'n helpu ar y noson, yn enwedig Gwenan a Viv fu wrthi'n gwerthu cŵn poeth fel tasa nhw'n mynd allan o ffasiwn!

Llwyddwyd i godi dros £200 wedi costau.

Yn olaf, cynhaliwyd stondin mefus a hufen ym mabolgampau'r pentre, trwy garedigrwydd y Pwyllgor Adloniant.

Llwyddodd Manon a Mary i werthu gwerth £78 ar y noson a oedd wrth lwc yn braf a chynnes, felly'n dywydd delfrydol ar gyfer gwerthu'r fath ddanteithion.

Diolch i'r ddwy am eu gwaith caled, i bawb gyfrannodd fefus yn enwedig Mary a Nelson, ac i Wyn a Paula (O'r Pridd i'r Plât) am werthu mefus ychwanegol a hufen i ni unwaith eto eleni, heb wneud unrhyw fath o elw eu hunain.

Byddwn yn defnyddio'r arian a godwyd ar gyfer prynu offer a deunyddiau ar gyfer y plant, ac ar gyfer costau cynnal a chadw cyffredinol y Cylch - diolch o galon i bawb am eu cefnogaeth.

Ymunodd tri phlentyn newydd a'r Cylch yn ystod y mis, sef Iwan Bassett, Iwan Meirion a Rhys Hywel - croeso mawr i'r tri ohonynt.

Byddant yn ail-ymuno gyda ni yn ystod mis Medi, tra bo Osian, Morgan ac Alfie yn cychwyn yn y Dosbarth Meithrin, gyda Tom, Celt ac Elen yn gadael Meithrin Mwy ac yn symud i'r Dosbarth Derbyn - pob lwc iddynt i gyd.