�鶹Լ��

Mae’n bosib i ddiagram Venn ddisgrifio tair (neu fwy) o setiau.

Enghraifft

Gofynnwyd i set o ddisgyblion pa chwaraeon oedden nhw’n eu chwarae yn yr ysgol. Fe gawson nhw’r opsiynau hyn: Pêl-droed, Hoci, Pêl-rwyd a Dim.

Mae rhestr lawn y disgyblion yn ffurfio’r set gynhwysol U {thomas, sean, chris, sarah, freya, sophie, noah, melanie, jayne, carrie, alex}

Yna mae tair set arall i’w hystyried.

Pêl-droed (F) = {thomas, sean, chris, sarah, freya, sophie}

Hoci (H) = {noah, thomas, chris, sophie, jayne}

Pêl-rwyd (N) = {carrie, sophie, jayne, alex, freya}

Dim = {melanie}

Gallwn ddangos yr holl wybodaeth yn hawdd ar ddiagram Venn:

• Y rhan y byddai Sophie ynddi fyddai F ∩ H ∩ N, hynny yw, croestoriad y tair set.
• I ddisgrifio pa ran o’r diagram Venn mae Freya ynddi, bydden ni’n ysgrifennu F ∩ N - F ∩ H ∩ N, hynny yw, croestoriad pêl-droed a phêl-rwyd minws croestoriad y tri gyda’i gilydd.
• Bydden ni hefyd yn disgrifio’r rhan mae Freya ynddi fel F ∩ N ∩ H', hynny yw, croestoriad y set ar gyfer pêl-droed a phêl-rwyd ac nid hoci.