Cefndir
Mae Diffodd y Sêr yn adrodd hanes Hedd Wyn o safbwynt ei chwaer, Anni. Yn gefndir i’r stori mae’r Rhyfel Byd Cyntaf. Byddai gwneud ymchwil i gefndir y rhyfel hwn yn dy helpu di i ddeall y cyd-destun a’r cyfnod yn well – mae mwy o wybodaeth am y cyfnod yn y clipiau fideo hyn.
Mae pob dyfyniad yn y canllaw hwn yn cael ei ddefnyddio gyda chaniatâd Y Lolfa.
Pwy oedd Hedd Wyn?
- Ellis Humphrey Evans, mab hynaf fferm Yr Ysgwrn, Trawsfynydd (Hedd Wyn oedd ei enw barddol).
- Bardd a enillodd gadair Eisteddfod Genedlaethol Penbedw, 1917.
- Cafodd ei ladd mewn brwydrDwy fyddin yn ymladd yn erbyn ei gilydd, gornest rhwng dau neu fwy o ymladdwyr. yn y Rhyfel Byd Cyntaf.
- Mae’n cael ei adnabod fel ‘Bardd y Gadair Ddu’.
Mae Ellis, neu Elsyn fel mae Anni’n ei alw ef, yn breuddwydio am ennill y gadair yn yr Eisteddfod Genedlaethol. Mae’n gweithio yn galed i gwblhau ei gerdd yn ystod y nofel, ac mae’n llwyddo i wneud hynny. Ond, mae’n cael ei ladd ym mrwydr Ypres, Gwlad Belg cyn deall ei fod wedi ennill y gadair yn 1917.
Mae’r stori yn dechrau yn 1917 ac mae’r cyfnod hwn yn rhan bwysig o’r stori. Roedd hi’n oes heb lawer o dechnoleg ac roedd pobl yn cyfathrebuRhannu newyddion, syniadau, gwybodaeth drwy gyfrwng y radio, teledu, wyneb yn wyneb, y rhyngrwyd. drwy lythyr neu telegramNeges oedd yn cael ei hanfon drwy system delegraff i dderbynnydd ar ffurf nodyn wedi’i deipio neu ei ysgrifennu.. Rydyn yn cael darllen un o lythyrau Ellis at ei deulu, ac ynddo rydyn ni'n cael clywed am sut mae’r wlad mae ef ynddi yn edrych, am y bobl mae ef wedi eu cyfarfod, a phethau eraill mae ef wedi eu gwneud. Yn ei lythyr hefyd mae’n sôn am fywyd erchyll rhyfel, er enghraifft tywydd, gweld llygod mawr a phroblemau fel cael digon o ddŵr i’w yfed.
Straeon eraill yn y nofel
Er mai stori Ellis yw prif linyn storïol y nofel, mae yna dair stori arall yn plethu drwyddi sef:
- stori Ifor
- stori Hywel a Lora
- stori garu Ellis a Jini Owen
More guides on this topic
- Llyfr Glas Nebo gan Manon Steffan Ros
- O Ran gan Mererid Hopwood
- Dim gan Dafydd Chilton
- Ac Yna Clywodd Sŵn y Môr gan Alun Jones
- Bachgen yn y Môr gan Morris Gleitzman
- I Ble'r Aeth Haul y Bore? gan Eirug Wyn
- Llinyn Trôns gan Bethan Gwanas
- Y Stafell Ddirgel gan Marion Eames
- Yn y Gwaed gan Geraint V Jones