Tawddlestr
Ar ddiwedd y 19eg ganrif, roedd Unol Daleithiau America yn annog mewnfudo gyda polisi'r Drws AgoredPolisi o dderbyn ymfudwyr o wahanol wledydd.. Roedden nhw'n gobeithio y byddai America'n tawddlestrTerm a gafodd ei fathu yn y 1870au i ddisgrifio pobl o wahanol wledydd yn 'ymdoddi' i'w gilydd ac yn dilyn diwylliant tebyg. ac y byddai'r mewnfudwyr yn weithwyr a fyddai'n gwneud y wlad yn gyfoethocach. Erbyn 1919, roedd dros 40 miliwn o bobl wedi cyrraedd. O ganlyniad, cafwyd cymysgedd o bobl o wahanol hiliau, diwylliannau a chrefyddau yn byw yn America ac yn siarad amrywiaeth o ieithoedd gwahanol.
Serch hynny, cyfrannodd mewnfudo ar raddfa fawr at rai problemau yng nghymdeithas America.
Y Drws Agored
Bwriad polisi'r Drws Agored oedd gwneud mewnfudo mor hawdd â phosibl. Roedd yna gymysgedd o bobl yn byw yn America yn ystod y cyfnod yma:
- Yr hen fewnfudwyr
- Yr Americanwyr Brodorol
- Americanwyr duon
- Ewropeaid dwyreiniol a deheuol
- Hispaniaid
- Pobl Asiaidd
Pam roedd pobl eisiau dod?
Roedd cyfuniad o ffactorau gwthio a thynnu yn achosi i bobl ymfudo. Roedd y ffactorau gwthio yn gwneud i bobl fod eisiau gadael eu gwlad eu hunain, a'r ffactorau tynnu yn eu denu nhw i UDA. Er enghraifft:
- dianc o'r tlodi yn eu gwlad eu hunain
- dianc o erledigaeth wleidyddol ac economaidd
- addewid o oddefgarwch crefyddol a chyfle i arfer eu ffydd yn ddiogel
- apêl digonedd o dir a'r gobaith o fod yn berchen ar eiddo
- creu bywyd gwell
- ymdeimlad o antur mewn gwlad oedd yn cynnig cyfle
- cyfle cyfartal
Mewnfudwyr yn cyrraedd Ynys Ellis ger Efrog Newydd
Roedd y rhan fwyaf o'r mewnfudwyr yn cyrraedd ar longau, a mwy na 70 y cant yn glanio ar Ynys Ellis ger Efrog Newydd. Yn ystod y cyfnodau prysuraf, byddai cymaint â 5,000 person y dydd yn glanio yno. Roedd y rhan fwyaf yn ifanc - ym 1900 yr oedran cyfartalog oedd 24. Golygfa gyntaf y mewnfudwyr wrth iddyn nhw gyrraedd America ar eu ffordd i Ynys Ellis oedd y Cerflun Rhyddid/Statue of Liberty.