Defnyddio tablau
Mae’n bosibl defnyddio tablau i gyflwyno data rhifiadol.
Mae tablau yn gallu bod yn effeithiol wrth ddangos sut mae un math o wybodaeth yn amrywio mewn gwahanol gyd-destunau, ee mewn gwahanol wledydd, mewn gwahanol flynyddoedd neu mewn gwahanol ysgolion ac yn y blaen.
Mae’r tabl hwn yn dangos y cyfraddau gordewdra uchaf mewn gwahanol wledydd.
Mae tablau hefyd yn gallu bod yn effeithiol pan nad oes llawer o ddata i’w dangos, neu os wyt ti am dynnu sylw at werth penodol.
Mae’r tabl hwn yn dangos cyfraddau diweithdra y Deyrnas Unedig dros gyfnod o ddeng mlynedd.
Mae’r tabl yn dangos mai 0.1 y cant yw’r newid yn y gyfradd ddiweithdra, er gwaetha’r bwlch o ddeng mlynedd.
Yn ogystal, mae’n bosibl defnyddio gwybodaeth berthnasol o dabl neu graff mawr i greu tabl neu graff llai sy’n dangos y data sy’n berthynol i dy bwnc di.
Dyma graff sy’n dangos cyfraddau diweithdra ymhlith pobl ifanc mewn gwahanol wledydd.
Byddai’n bosibl i ti godi’r wybodaeth allweddol o’r graff hwn a chreu tabl i ddangos hyn yn gliriach. Yma mae’r tabl wedi cael ei greu i ddangos y wlad sydd â’r gyfradd isaf a’r gyfradd uchaf o’i chymharu â’r Deyrnas Unedig.
Neu, byddai’n bosibl i ti roi’r data hyn mewn graff llai neu symlach er mwyn tynnu sylw at y gwahaniaeth.
Mae’n haws gweld nawr bod y gyfradd ddiweithdra ymhlith pobl ifanc yn isel iawn yn Lwcsembwrg ond yn uchel iawn yng ngwlad Groeg, a bod y Deyrnas Unedig rywle yn y canol.