Pedwar arall wedi marw yng Nghymru - 16 i gyd
418 achos wedi'u cadarnhau yma bellach, ond yn debygol fod y ffigwr yn uwch
70,000 o bobl yn y categori "mwyaf bregus" i gael cyfarwyddyd i aros yn eu cartrefi am 12-16 wythnos
Prif Swyddog Meddygol Cymru: 'Awdurdodau wedi ennill amser yn y frwydr yn erbyn Covid-19, ond niferoedd y bobl yn ei ddal ar gynnydd'
Cyngor Sir y Fflint
Mae Cyngor Sir y Fflint wedi cyhoeddi y byddan nhw'n cau holl gaeau chwarae'r sir ddydd Llun yn dilyn cais gan Lywodraeth Cymru.
Bydd y caeau i gyd yn cau heddiw, gydag arwyddion yn cael eu gosod ar bob cae chwarae sy'n eiddo i'r awdurdod.
Maen nhw hefyd wedi gofyn i sefydliadau eraill sy'n rheoli mannau agored tebyg - megis cynghorau tref neu gymuned - i ddilyn eu hesiampl.
Yn ôl y disgwyl mae maes parcio Llyn Tegid yn Y Bala wedi ei gau heddiw i ymwelwyr.
Roedd Alex Varney, sy'n gweithio i gwmni BT yng Nghaerdydd, wedi teithio o'r Barri i'r brifddinas ar drên y bore 'ma.
"Fel arfer mae lot o bobl ar y daith ond doedd dim llawer heddiw," meddai. "Doedd dim hyd yn oed yr inductor yn gweithio. Dim ond fi ac un arall oedd ar y carriage.
"Roedd hi'n braf cael rhywfaint o le am newid. Dwi'n fwy gwyliadwrus ond ddim yn nerfus - mae'r ymbellhau yn creu awyrgylch bach mwy cyfforddus."
Iechyd Cyhoeddus Cymru
Beth ydy'r canllawiau o ran hunan ynysu i'r rheiny sy'n byw gyda gweddill eu teulu?
Mae Iechyd Cyhoeddus Cymru yn egluro isod.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
Prifysgol Caerdydd
Bydd gwyddonwyr o Gymru yn chwarae rhan flaenllaw yn mapio gwasgariad coronafeirws fel rhan o brosiect gwerth £20m.
Fe fydd y nawdd yn cael ei ddefnyddio i ariannu'r unig ganolfan o'i math yng Nghymru, gyda gwyddonwyr o Brifysgol Caerdydd ac Iechyd Cyhoeddus Cymru yn gweithio yno.
Mae'r prosiect yn rhan o Gonsortiwm Genomeg y DU, sy'n casglu arbenigwyr ar draws y DU i greu map a dadansoddi gwasgariad yr haint.
Y nod wedyn yw rhannu'r wybodaeth gydag ysbytai, y gwasanaeth iechyd a'r llywodraeth er mwyn helpu cynghori eu hymateb i bandemig coronafeirws.
Cyngor Caerdydd
Mae Cyngor Caerdydd wedi cyhoeddi y bydd maes parcio Parc y Mynydd Bychan yn cau i'r cyhoedd er mwyn rhoi parcio am ddim i staff y gwasanaeth iechyd.
Mae'r maes parcio yn agos at Ysbyty Athrofaol Cymru yn y brifddinas.
Dywedodd arweinydd y cyngor, Huw Thomas: "Mae hwn yn gyfnod digynsail ac rydym am wneud popeth o fewn ein gallu i helpu ein cydweithwyr yn y GIG.
"Rydym yn gobeithio y bydd hyn yn gwneud pethau ychydig yn haws i staff y GIG sy'n gwneud gwaith rhyfeddol yn ceisio ein cadw ni oll yn ddiogel rhag y feirws hwn."
Fe fydd Aelodau'r Cynulliad yn cwrdd yn y Senedd ddydd Mawrth ar gyfer dadl ar ddeddfwriaeth coronafeirws Llywodraeth y DU.
Bydd y ddeddfwriaeth yn rhoi pwerau mawr i weinidogion Cymru a'r DU i fynd i'r afael â'r argyfwng, fel y pŵer i gadw unigolion ar wahân er mwyn ynysu, cau busnesau ac atal pobl rhag casglu mewn grwpiau.
Bydd dadl ar y ddeddfwriaeth yn San Steffan heddiw, ond mae'r pwerau ychwanegol sy'n cael eu rhoi i Gymru yn golygu bod rhaid i'r Cynulliad ei gymeradwyo hefyd.
Iechyd Cyhoeddus Cymru
Mae Iechyd Cyhoeddus Cymru wedi cadarnhau bod pedwar person arall wedi marw ar ôl cael coronafeirws - gyda'r ffigwr yma bellach yn 16.
Mae 71 achos newydd wedi'i gadarnhau, gan ddod â'r cyfanswm sydd wedi'u heintio yma i 418.
Ond fe ddywedodd Dr Giri Shankar o Iechyd Cyhoeddus Cymru bod hi'n debygol fod y ffigwr yna (418) yn uwch mewn gwirionedd.
Kirsty Williams
Gweinidog Addysg Cymru
Mae'r Gweinidog Addysg wedi dweud bod yn rhaid i bobl aros y tu fewn a bod y niferoedd a gafodd eu gweld mewn llefydd cyhoeddus dros y penwythnos yn "bryderus".
Galwodd Kirsty Williams AC hefyd ar blant Cymru i gadw eu teuluoedd ac eraill yn ddiogel trwy aros y tu fewn.
Dywedodd hefyd bod gan y Prif Weinidog "bob bwriad" i ddefnyddio pwerau i orfodi parciau carafanau i gau.
Darllenwch y stori'n llawn yma.
Kirsty Williams yn siarad mewn cynhadledd fore Llun
Mae ymchwilwyr ym Mhrifysgol Rhydychen yn dweud y gallai Powys gael ei "gorlwytho" yn sydyn gan achosion coronafeirws am fod gan y sir boblogaeth hÅ·n a llai o welyau mewn ysbytai.
Yn eu hadroddiad mae'r academyddion yn dweud bod Powys yn un o bump "anialwch ysbytai" yng Nghymru a Lloegr.
Maen nhw'n diffinio'r ardaloedd hynny fel rhai sy'n "fregus iawn oherwydd nifer yr oedolion hŷn wedi'i gyfuno â chapasiti isel yn y gwasanaeth iechyd".
Ym myd y campau mae Grand Prix Azerbaijan, oedd i fod i gael ei chynnal ar 7 Mehefin, wedi ei chanslo.
Dyma'r wythfed ras yn y calendr F1 i gael ei chanslo ar ddechrau tymor 2020.
Roedd y ras i fod i gael ei chynnal ar strydoedd Baku - ble roedd tîm pêl-droed Cymru i fod i herio'r Swistir a Thwrci yn Euro 2020 yr haf hwn.
Mae hi bellach yn edrych yn debygol y bydd y gemau hynny'n cael eu haildrefnu ar gyfer Mehefin 2021.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
Cyngor Caerdydd
Mae Cyngor Caerdydd wedi cyhoeddi y bydd ardaloedd chwarae ym mharciau'r cyngor yn cau ar unwaith.
"Credir bod y risg o drosglwyddo o blentyn i blentyn ar offer chwarae yn ormod o risg i'r cyhoedd wrth i ni geisio arafu trosglwyddiad Covid-19," meddai eu datganiad.
"Bydd parciau Caerdydd yn aros ar agor ar hyn o bryd. Rydym yn deall y rôl y gallant ei chwarae o ran cynorthwyo lles yn ystod y cyfnod hwn.
"Fodd bynnag, rydym yn annog pawb sy'n ymweld â'n parciau i ymarfer ymbellhau cymdeithasol."
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
Mae'r nofiwr o Gymru, Jazz Carlin - wnaeth ennill medalau Oympaidd ei hun - wedi mynegi ei siom gyda threfnwyr y Gemau.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
Er y cyhoeddiad y bydd llai o wasanaethau trafnidiaeth gyhoeddus trwy Gymru oherwydd haint coronafeirws, mae 'na alw am fwy o drenau.
Roedd y nyrs yma'n teithio o ardal Caerffili i Gaerdydd fore Llun, gan ddweud ei bod hi'n anodd iddi ddilyn canllawiau'r llywodraeth am ymbellhau cymdeithasol.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen a cyn derbyn. Er mwyn gweld y cynnwys dewiswch ‘derbyn a pharhau’.
Ambell i arwydd arall wedi ymddangos dros nos ar gylchfan y Goat yn Llanwnda ger Caernarfon
Ar adeg mor ansicr, dyma ambell dip ar sut i dawelu eich meddwl gan y seicolegydd, Dr Ioan Rees.
Dyma'r olygfa yng ngorsaf drên brysuraf Cymru am tua 10:00 fore Llun.
Cyngor Powys
Mae Cyngor Sir Powys yn gofyn i bobl i ddilyn cyngor y llywodraeth ac i beidio teithio i leoliadau gwyliau yn y sir tan fod y pandemig drosodd.
Dywedodd y Cynghorydd James Evans: “Powys yw un o rannau prydferthaf y Deyrnas Unedig ac rydym yn croesawu ymwelwyr i’r sir, ond nid nawr yw’r amser i ddod i Bowys.
"Prif gyfrifoldeb y cyngor yw diogelu ein trigolion a’n busnes, a dyna pam ein bod yn annog pobl i beidio dod i ganolbarth Cymru tan fydd y sefyllfa dan reolaeth.
“Y gwirionedd yw nad oes gan y gwasanaeth iechyd yng nghanolbarth Cymru, na’r cyngor yr adnoddau i gwrdd ag anghenion cynnydd mawr yn achosion o’r coronafeirws yn y boblogaeth.
“Byddwn yn barod i groesawu ymwelwyr gyda breichiau agored cyn gynted ag y bydd yn ddiogel i wneud hynny ond am nawr, dilynwch y cyngor gan y llywodraeth: arhoswch gartref, peidiwch â theithio oni bai ei fod yn hanfodol a chofiwch ymarfer ymbellhau cymdeithasol."
Wedi i gwmni bwyd McDonald's gau bob un o’i safleoedd drwy’r DU, mae cwmni siopau coffi Costa wedi cyhoeddi y bydd yn dilyn yr un trywydd hefyd.
Dywedodd y cwmni mai’r flaenoriaeth oedd iechyd y cwsmeriaid, ond fe fydd yn parhau i gadw’r siopau coffi mewn ysbytai ar agor.
Cafodd yr arwydd yma ei roi i fyny gan rai o drigolion Llithfaen, Pen LlÅ·n ddoe...
Ffynhonnell y llun, Lois Elin Roberts