Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Iola Wyn - pwdin Pimms
mefus - strawberry
risait - recipe
mo'yn - eisiau
aroglu - to smell
cymysgwch (cymysgedd) - mixture
rhwydd - hawdd
sunsur - ginger
ar ei hyd - lengthwise
dylanwad - influence
bennu - gorffen
Oeddech chi'n dathlu perfformiad gwych Andy Murray yn Wimbledon wythnos diwetha? Mefus a siampen ydy'r ffordd draddodiadol o ddathlu yn y gystadleuaeth yma. Rwan, dydyn nhw ddim cweit mor grand â hynny yng Nghrymych, ond mae nhw'n dathlu efo Pimms yno, sy'n eitha posh ond tydi? Nid unrhyw Pimms cofiwch, ond pwdin Pimms gwych Winnie, y gogyddes o Grymych. Aeth Iola Wyn am dro bach i gegin Winnie i'w gweld yn paratoi'r pwdin arbennig yma, i weld be oedd y rysait ac wrth gwrs i gael sgwrs ...
Cofio - Hogia Llandegai
ddaru o daro - he hit
g'lana chwerthin(idiom) - laughing your head off
noson fawr - noson stormus
coluro - make up
roedd o'n gwisgo amdano - he was dressing up
sbio'n wirion - edrych yn wirion
chwibanwr - whistler
dynwared - to imitate
y digrifwch - the comedy
"Rhywsut fedra i ddim gweld Hogia Llandegai yn yfed Pimms. A phwy ydyn nhw, meddech chi? Wel, dyma i chi grwp oedd yn boblogaidd iawn yn y chwedegau, ac ar Cofio ddydd Sadwrn mi gaethon ni'r cyfle i glywed rhai o'u hanesion yn teithio ar hyd a lled Cymru i berfformio mewn cyngerddau. Ron a Now, dau aelod o Hogia Llandegai oedd yn dweud yr hanes..."
Daf a Caryl - Death Valley
Pegwn y Gogledd - North Pole
wedi eu gwahardd - had been expelled
tymheredd - temperature
arth wen - polar bear
paratoi'n drylwyr - to prepare thoroughly
profiad - experience
cynefin - home environment
dehongli a thrafod - to interpret and discuss
cyhydedd - equator
cynhadledd - conference
"...a dw i'n siwr bod y rhaglen yna wedi dod ag atgofion melys o'r Hogia i lawer o bobl . Dach chi'n mwynhau'r tywydd braf yma? Wyddoch chi mai y degfed o Orffennaf Mil Naw Un Tri oedd y diwrnod poethaf erioed yn hanes y byd, wel yn Death Valley, Nevada, yng Ngogledd America beth bynnag. Felly, can mlynedd wedi'r dyddiad hwnnw mi benderfynon ni ar raglen Daf a Caryl gael sgwrs efo athro sydd wedi bod yn y dosbarth poetha a'r oera yn y byd! Prifathro ysgol Springfields yn Wiltshire ydy Trystan Williams, a dyma fo yn dweud sut a pham digwyddodd hyn"
Taro'r Post - Leigh Halfpenny
disgybl dihymongar - a modest pupil
cydwybodol - conscientious
swil - shy
penderfynol - determined
gwobrwyo - to present awards
llygaid yn pefrio - his eyes were sparkling
llefain - crio
safon ucha - highest standard
crwt bach - bachgen bach
"Dyna i chi brofiad anhygoel i'r plant, ac mi ddylen ni fod yn falch mai Cymro oedd y tu ôl i'r cynllun. Ac mi fedrwn ni fod yn falch hefyd mai Cymry oedd yn benna gyfrifol am lwyddiant tîm rygbi'r Llewod draw yn Awstralia. Ac wrth gwrs Cymro, Leigh Halfpenny, enillodd wobr 'Chwaraewr y Gyfres'. Ddydd Llun mi glywon ni Marian Davies, athrawes oedd yn arfer dysgu Leigh yn Ysgol Penyrheol yng Ngorseinon, yn siarad am y seren ar Taro'r Post. Sut fachgen oedd o yn yr ysgol tybed?..."