Diolch Miss Mair
Bydd oedfa yn cael ei chynnal yn Aberystwyth y mis nesaf i ddiolch am gyfraniad Cristnoges o Gymru ym Mhatagonia.
Trefnir yr Oedfa Ddiolch am Mair Davies ddydd Mercher, Awst 18 am bedwar o'r gloch yng Nghapel y Morfa fel rhan o gynhadledd flynyddol Mudiad Efengylaidd Cymru.
Bu farw Mair Davies - neu Miss Mair fel yr oedd yn cael ei hadnabod - mewn ysbyty yn Nhrelew, Patagonia, Awst 20 2009.
Yr oedd yn rhan annatod o fywyd Cymraeg y Wladfa ers symud yno am gyfnod byr dros ddeugain mlynedd yn ôl ac aros yno weddill ei hoes.
