Mynd fel fflamia
Beth bynnag arall ddaw o'r Eisteddfod hon mae un llwyddiant diamheuol weddi ei sicrhau yn barod.
Cyngerdd Plant y Fflam disgyblion ysgolion uwchradd yr ardal a berfformiwyd gyntaf nos Wener yn Theatr Felinfach gerllaw.
Sioe ydi hi wedi ei sylfaenu ar ganeuon Plant y Fflam Edward H Dafis gyda 60 o bobl ifanc wedi gwefreiddio'r gynulleidfa gyda chynhyrchiad Jeremy Turner, Cyfarwyddwr Artistig Cwmni Theatr Arad Goch.
O ddau cynyddodd nifer y perfformiadau i dri a bellach i saith cymaint yw'r galw am docynnau. Maen nhw fel aur.
Yr ydw i'n gobeithio gweld perfformiad y pnawn yma ac mi gewch wybod sut yr aeth y cynhyrchiad sy'n gymysgedd o ynni ieuenctid heddiw a hiraeth am a fu 30 mlynedd yn ôl.
