麻豆约拍

Teithia Wanda dros y byd gyda'i cherflun teithio fel modd i asesu ei hunaniaeth amrywiol.

Wanda Zyborska:

Ers rhai blynyddoedd, dwi wedi bod yn teithio'r byd efo'r cerflun hwn. Darnau o hen 'inner tubes' tractors a cheir yr ardal yma wedi'u gwnio at ei gilydd.

Mae'n edrych fel darnau o groen. Mae'r broses o wneud cerflun yn bwysig iawn i mi ac mae yna dipyn ohono fi ynddo.

Pan dwi'n mynd ar fy nheithiau, mae gweld ymateb pobl i'r cerflun yn bwysig i mi, yn enwedig yn y maes awyr, pan mae o'n mynd ar y conveyor belt gyda'r bagiau a'r cesys ac yn dod allan ar yr ochr arall.

Yr hyn sy'n ddiddorol i fi ydi sut mae pobl o wahanol gefndiroedd a diwylliant yn gweld pethau yn fy ngwaith a'r pethau sy'n gyffredin ynddynt.

Er 'mod i wedi byw yng Nghymru ers ugain mlynedd, mae fy nhad yn dod o wlad Pwyl. Gwyddeles oedd Mam a ches i fy ngeni yng Nghilarney. Felly dwi'n teimlo bod gen i hunaniaeth amrywiol.

Dwi wedi teithio llawer dros y byd a dwi'n hoffi hynny. Trio dod i 'nabod diwylliannau gwahanol a mynd dan groen pobl.

Show less