麻豆约拍

Stori'r bachgen o'r Creunant a'i brofiadau yng ngharchar Wormwood Scrubs...

Cyn-warden un o garchardai mwyaf Llundain yw Wyn Davies, ond mae un peth o'r cyfnod dal yn ei wneud yn nerfus...

Wyn Davies:

Crwt o'r Creunant yn feindio eu hunan yn jail, na beth ddigwyddodd i fi - yr ochr iawn i'r bariau chi'n deall - gweithio fel swyddog carchar am ddeng blynedd wnes i.

Yn ystod y ddwy flynedd gyntaf roeddwn yn gweithio yn Wormwood Scrubs yn Llundain, yn disgwyl ar ? 'lifers'. Mae llawer o bobol yn meddwl bod y llefydd yma yn galed. I raddau mae nhw, ond maent hefyd yn llawn cymeriadau lliwgar.

Rwy'n cofio'r hen fachan yma oedd yn gweithio fel 'tea boy' yn gwneud te a choffi i'r staff i gyd yn y bloc. Un peth o'n i wastad yn gorfod gwneud oedd gweld pa drosedd oedd y caracharion yma wedi ei chyflawni cyn cymryd y te!

Dychmygwch y sioc ges i pan wnes i ddarganfod taw lladd ei wraig wnaeth e drwy roi gwenwyn yn ei diod! Cymeres i ddim diod wrtho fe wedi hynny!

Roedd hiwmor yn bwysig iawn i'r 'lifers' er mwyn delio gyda realiti eu sefyllfa. Roedd rhan fwyaf ohonyn nhw yn hapus i rannu joc gyda'r staff.

Rwy'n cofio'r dyn du yma. Roedd e'n gwisgo bandana gwyn am ei ben yn y bloc ac roedd pawb, y staff a'r carcharorion yn ei alw e'n 'Guinness'.

Dwi wedi gadael y Gwasanaeth Carchar erbyn hyn oherwydd anaf. Rwyf wedi dychwelyd i'r Creunant a dod o hyd i wraig a theulu. Ond mae'n rhaid dweud, nawr ac yn y man, pan mae'r wraig yn paratoi dishgled i fi, rwy'n cofio am y Scrybs ac yn teimlo ychydig yn nerfus!

Holi Wyn Davies:

Dywedwch rywfaint o'ch hanes.

Rwy'n 36 mlwydd oed ac yn byw yng Nghreunant gyda fy ngwraig, Annette, a'n plant, Emily, 17; Jenny, 14 a Llinos sy'n wyth. Rwy'n gweithio fel technegydd cyfrifiaduron yn Ysgol Gyfun Ystalyera.

Beth yw pwnc eich stori?

Mae'r stori'n disgrifio'r amser ddechreuais i weithio fel warden Carchar Wormwood Scrubs yn Llundain. Roedd symud i Lundain yn beth mawr i fi. Codi pac o bentre' bach at y cymeriadau gwahanol oedd yn byw yn y carchar.

Sut aeth pethau yn y gweithdy?

Roedd yn bleser mawr i mi gwrdd 芒'r criw i gyd. Fe wnes i fwynhau pob eiliad o'r broses. Diolch yn fawr iawn i chi gyd.

Show less