麻豆约拍

Mae stori Lowri Mitchell yn rhoi darlun o'r cyfeillgarwch annisgwyl rhyngddi hi a dau ddyn o Siapan wnaeth hi a'i ffrind Cathy gyfarfod ar daith tramor. Lleolwyd y stori mewn bar carioci yn Kottoka, tre wledig a thawel yng ngogledd-orllewin Siapan. Mae profiad Lowri'n dangos y gallwch ddod o hyd i eneidiau hoff gytun yn rhywle!

Holi Lowri Mitchell:

Beth yw eich hanes chi Lowri?

Rwy'n wreiddiol o Aberystwyth, ond bellach yn astudio cwrs ym Mhrifysgol Caerdydd i fod yn weithwraig cymdeithasol. Dwi'n mwynhau teithio ac mae gennyf ddiddordeb yn niwylliannau gwahanol y byd, yn enwedig yn y Dwyrain Pell.

Beth yw testun eich stori?

Mae'r stori yn edrych ar y berthynas rhwng Mr. Kondo, Mr. Hotcake, Cathy a finne yn Siapan.

Paham y gwnaethoch benderfynu greu eich stori yn seiliedig ar y cyfeillgarwch yma?

Dewisais y stori yma yn arbennig oherwydd fy mod i am i bobl weld pwysigrwydd ac unigrwydd y berthynas oedd rhwng y pedwar ohonom ni. Mi oedd hi'n gyfeillgarwch digon rhyfedd -sylweddolom erbyn y diwedd ar sut, trwy gyfathrebu mewn iaith sylfaenol, y daethom i fod yn ffrindiau agos.

Sut oedd y profiad o greu stori ddigidol eich hun?

Roedd cwblhau y stori ddigidol yn brofiad da a gwerthfawr iawn hefyd. Dysgais lawer am y meddalwedd cyfrifiadurol a dysgu sut i greu ffilm fer fy hun. Profiad pleserus iawn.

Show less