Â鶹ԼÅÄ

Ma tha tiodhlac bheag shnog agad ri thoirt seachad aig àm na Nollaig, dè mu dheidhinn bogsa bodach-sneachda a dhèanamh airson a chur ann? 

Airson seo, feumaidh tu:

±Ê±ð²¹²Ô²õ²¹¾±±ôÌý

Pìos cairt gheal, meud A4

Siosar

Pìos cairt ann an dath sam bith (airson ad a’ bhodaich - tha mise a' cleachdadh pìos gleansach dearg) 

Pìos beag cairt uaine ma tha sibh airson cuileann a dheànamh

Peann dubh, peann orains agus peann dearg.

Beagan glaodh.

¶Ùò¾±²µ³ó:

An toiseach, feumaidh tu cumadh a tharraing airson do bhogsa air a' chairt gheal. Airson seo, dèan ceithir ceàrnagan a tha 6 cm air gach taobh ann am meadhan a’ chairt.  

An uair sin, cuir ceàrnag dhen aon mheud air gach taobh den trìtheamh ceàrnaig agus an uair sin, leth-chearcall air mullach agus bonn na ceàrnagan air na cliathaichean. An uair sin, cuir ceart-cheàrnagach beag aig mullach na ceithir ceàrnagan – airson ‘s gun tèid agad air a’ bhogsa a dhùnadh. Chì sibh dealbh den seo air an làrach-lìn againn. 

Le taic bho inbheach, geàrr a-mach cruth do bhogsa agus gu faiceallach, a’ cleachdadh an siosar a-rithist, dèan loidhne air na pìosan a tha thu a' dol a lùbadh airson cruth a’ bhogsa a dhèanamh. ‘S e an trÌtheamh ceàrnag a bhios aig bonn a’ bhogsa.  
Mus lùb thu na pìosan, faodaidh tu aodann a’ bhodaich-shneachda a dhealbh le na pinn. Dà chearcall meadhanach mòr airson a shùilean, triantan beag orains airson a shròin agus dubh airson cearcallan beaga a nì a bheul.  

Lùb am bogsa agus cuir gu aon taobh e. Mura h-eil e a' tighinn ri chèile mar a dh’iarradh tu, faodaidh tu beagan glaodh a chur air na h-oirean.  

Feumaidh tu a-nise an ad aige a dheànamh. Airson seo, le taic bho inbheach, geàrr a-mach ceart-cheàrnag, 6 cm a dh’fhaid agus 4cm a dh’àird. Geàrr mu 1cm mu thimcheall oir a’ cheart-cheàrnag agus faodaidh tu a sgeadachadh le pìos ribean no le duilleagan is dearcain airson cuileann a dhèanamh.  

Nuair a bhios an ad deiseil, cleachd rud beag glaodh airson a chur air a’ bhogsa os cionn aodann. Agus sin e. 

Dèan cinnteach gun èist thu an ath sheachdain oir tha sinn a' dol a dhèanamh rudeigin a thèid am broinn a’ bhogsa.