Â鶹ԼÅÄ

Tha gearanan gan dèanamh mu chuid de luchd-turais a tha a‘ fàgail sgudal às an dèidh ‘s iad a’ gabhail slighe an NC500. Gheibh sinn beachd bho mhuinntir na sgìre.

Mean air mhean tha gnìomhachasan a’ fosgladh às dèidh riaghailtean teann an glasadh-sìos - bùithean, taighean-bìdh agus taighean-seinnse nam measg. Ach tha cuid a’ ceasnachadh carson nach eil ionaidean-eacarsaich a’ fosgladh cuideachd. A bheil sibh fhèin ag ionndrain an ionad-spòrs agaibh? Gheibh sinn a-mach mar a tha luchd-èisteachd a‘ phrògraim air a bhith ag eacarsaich às an aonais.

A rèir aithris naidheachd tha an glaiseadh-sìos air droch bhuaidh a thoirt air Abaid Westminster ‘s dìth airgid bho luchd-tadhail ag adhbhrachadh gu bheil feum air sàbhalaidhean airgid a dhèanamh. Tha Tommy MacAsgail air a bhith a’ dèanamh beagan rannsachaidh dhuinn.

Agus tha Tormod Dòmhnallach air ais còmhla rinn airson innse mu thubaist mara a thachair faisg air Eilean Ratharsair ann an 1856.