Â鶹ԼÅÄ

Anns an t-seirbheis cluinnidh sibh na sailm agus an leughadh a leanas:
Salm 139: 1-2 air fonn Kilmarnock agus ‘s e Coinneach Caimbeul a tha os cionn na seinn le taic bho choitheanal Eaglais Naomh Chaluim Chille ann an Dùn Èideann.
Salm 42: 1-2 air fonn Glencairn agus ‘s e Coinneach M MacLeòid a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.
Salm 91: 15-16 air fonn St David agus ‘s e an t-Urr Seumas Gracie a tha os cionn na seinn le taic bho choitheanal Eaglais Shaor Shnìosoirt.

Leughadh: Eabhraidhich 1: 1-14 & 2: 1-3
Ceann-teagaisg Eabhraidhich 1

Rugadh an t-Urr Iain Mac a' Ghobhainn ann am Pabail Iarach anns an Rubha. Mus deach e a-steach airson na ministrealachd bha e na bhùidsear. Tha Mgr Mac a' Ghobhainn pòsta le dithis mhac. Chaidh a phòsadh ris a' chiad choitheanal aige ann an 1994 far an robh e stèidhichte aig Eaglais Shaor Phartaig ann an Glaschu. Dh'fhuirich e an sin gu 2003, gus an do ghluais e gu Tasmania far an robh e na mhinistear ann an Eaglais Chlèireach cheann a deas na dùthcha. Thill e air ais dhan dùthaich seo ann an 2015 agus fhuair e gairm bho choitheanal Eaglais Shaor Leantainneach na Hearadh. Chaidh Mgr Mac a' Ghobhainn a phòsadh ris a' choitheanal sa Chèitean 2016.