Â鶹ԼÅÄ

Yn 2003 cafodd rygbi Cymru ei ail-strwythuro gan sefydlu tîmau rhanbarthol. Ond ddegawd yn ddiweddarach mae rhai ffigurau amlwg o fewn y gêm yn cwestiynu dyfodol y tîmau hynny. Tra fod y tîm cenedlaethol wedi mwynhau’r cyfnod mwya’ llewyrchus ers yr 1970au yn ystod y deng mlynedd ddiwetha’, gan gipio’r Gamp Lawn dair gwaith mewn wyth mlynedd, prin iawn yw’r llwyddiant mae tîmau rhanbarthol Cymru wedi ei brofi. Gyda nifer cynyddol o’r prif chwaraewyr yn gadael am Ffrainc, a’r berthynas rhwng yr Undeb a’r rhanbarthau yn fregus, a yw dyddiau’r Scarlets, y Gweilch, y Gleision a’r Dreigiau yn dirwyn i ben? Ar Manylu yr wythnos hon, sylw i’r sgarmes sy’n bygwth rhwygo rygbi Cymru.