�鶹Լ��

�鶹Լ�� Cymru Fyw

Mae'r llif byw wedi dod i ben am y dydd, ond fe fydd yn dychwelyd yfory am 08:00.

Diolch am ddilyn ein diweddariadau yn ystod y dydd - hwyl am y tro gan bawb ar y llif byw am heddiw.

Cyngor Ceredigion

Yn ôl Cyngor Ceredigion mae ei system olrhain cyswllt, lle mae pobl sydd wedi profi'n bositif am Covid-19 yn cael eu ffonio gan swyddogion, yn cael effaith gadarnhaol ar helpu i gadw nifer yr achosion yn y sir yn isel.

Am y pythefnos diwethaf mae swyddogion wedi bod yn ffonio pawb sydd wedi rhoi gwybod i'r Cyngor eu bod wedi profi'n bositif am y feirws.

Mae'r swyddogion yn cynghori'r unigolion am y mesurau hunan-ynysu y mae angen iddyn nhw eu dilyn a hefyd yn cael manylion cysylltiadau agos y gallent fod wedi trosglwyddo'r feirws iddyn nhw.

Wedyn, mae'r cysylltiadau agos hynny hefyd yn cael galwad gan swyddogion y Cyngor, sy'n gofyn iddyn nhw a ydyn nhw'n dangos unrhyw symptomau.

Mae'r cyngor yn cydnabod bod gan y system ei chyfyngiadau. Mewn pythefnos dim ond deg o bobl y mae'r Cyngor wedi'u ffonio ar ôl iddyn nhw roi gwybod i swyddogion eu bod wedi profi'n bositif. Ond, er bod y niferoedd yn isel dywed swyddogion y bydd yr olrhain cyswllt a wnaed gyda'r unigolion hynny wedi helpu.

Mae pennaeth Cyngor Iechyd Cymuned Gogledd Cymru wedi dweud bod rhai sydd wedi cael trawiad ar y galon ddim yn ffonio am ambiwlans neu’n ymweld â’r adran frys am nad ydyn nhw eisiau rhoi pwysau ar y gwasanaeth iechyd yn sgil y feirws.

Mae Llywodraeth Cymru yn “bryderus iawn” ynglŷn â phobl sydd ddim yn defnyddio gwasanaethau’r GIG yn ystod y pandemig, medd Geoff Ryall-Harvey.

Dywedodd y bydd y llywodraeth yn sôn am eu pryderon yn ystod y dyddiau nesaf, ond ei neges oedd y dylai pobl sydd yn pryderu am eu hiechyd ac yn credu bod yna argyfwng gysylltu gyda'r gwasanaeth iechyd.

Ffatri beiriannau Ford i ailagor yr wythnos nesaf, ond dim ond tan fis Medi pan fydd yn cau am byth.

Mae'r Cyngor Llyfrau yn cyfeirio at gronfa argyfwng i gyhoeddwyr, sydd bellach ar agor.

Bwriad y gronfa yw i gefnogi'r cyhoeddwyr hynny sydd wedi dioddef o achos y pandemig.

Mae Prif Weithredwr cwmni Qatar Airways wedi dweud wrth y �鶹Լ�� fod y cwmni yn cael gwared ag 20% o’u hawyrennau a staff. Dywedodd Akbar Al-Baker hefyd bod ymbellhau cymdeithasol yn “amhosib mewn awyren”. Ychwanegodd fod gofyn i bobl sydd yn hedfan i Brydain o awyrennau rhyngwladol hunan-ynysu am 14 diwrnod yn rhywbeth fyddai yn “dinistrio'r diwydiant”. Mae'r cwmni'n hedfan i nifer o leoliadau ar draws y byd o Faes Awyr Caerdydd.

Mae fideo o gôr rhithiol yn canu Bridge Over Troubled Water wedi ennyn sylw'r cyfansoddwr ei hun

�鶹Լ�� Sport

Mae cadeirydd Undeb Rygbi Cymru yn dweud bod yna gynlluniau wrth gefn yn cael eu trafod ar gyfer gemau’r hydref.

Mae Cymru fod i groesawu Seland Newydd, Yr Ariannin, De Affrica a Fiji i Gaerdydd fis Tachwedd ond mae amheuaeth ynglŷn â’r gemau yma yn sgil y coronafeirws.

Dywedodd Gareth Davies bod twrnamaint tebyg i un y chwe gwlad neu gemau yn erbyn y gwledydd eraill sy’n rhan o’r Deyrnas Unedig yn cael eu hystyried.

Ychwanegodd nad oedd yn disgwyl i Gymru fynd i Seland Newydd i chwarae yn nhaith yr haf ond dyw Seland Newydd ddim wedi cadarnhau hyn yn swyddogol eto.

Llywodraeth Cymru

Bydd 1,000 o staff yn cael eu penodi fel rhan o strategaeth newydd i brofi’r cyhoedd ac i olrhain lledaeniad coronafeirws.

Dywedodd y Gweinidog Iechyd, Vaughan Gething, y bydd y gallu ar gael i gynnal 20,000 o brofion y dydd yn y dyfodol. 5,000 o brofion sydd yn bosib eu cynnal bob dydd ar hyn o bryd.

Bydd y 1,000 o weithwyr yn cael eu dewis o gynghorau a byrddau iechyd ar draws Cymru.

Ffynhonnell y llun, Getty Images

�鶹Լ�� Wales News

Bydd y ffatri Ford yn ail ddechrau cynhyrchu ceir wythnos nesaf.

Mae’r 1,200 o weithwyr ym Mhen-y-bont wedi bod ar y cynllun ysbaid o’r gwaith gan Lywodraeth y DU ers Mawrth 25 yn sgil y pandemig.

Roedd pryderon na fyddai’r ffatri yn ail agor o gwbl ar ôl i’r cyfyngiadau lacio ac mae’r ffatri fod cau yn llwyr fis Medi.

Ffynhonnell y llun, PA Media

Senedd Cymru

Wrth ateb cwestiwn gan arweinydd y Ceidwadwyr yn y Senedd, dywedodd y Prif Weinidog ei fod yn gobeithio cyhoeddi cynllun sy'n manylu ar y camau nesaf wedi coronafeirws, ddydd Gwener.

"Dwi am i'r cynllun fod yn un clir ac un y medr y cyhoedd ei ddeall yn hawdd," meddai.

Mae cais wedi bod ar i weinidogion Llywodraeth Cymru gyhoeddi manylion cynllun ar symud allan o'r cyfnod clo wedi i Boris Johnson gyhoeddi cynlluniau ar gyfer Lloegr.

Y llywodraeth i gyhoeddi cynlluniau ddydd Gwener ar sut i lacio'r cyfyngiadau Covid-19.

Tra bod llyfrgelloedd cyhoeddus ar gau oherwydd Covid-19, awdures o'r Bala'n creu un answyddogol.

Cymru i allu profi hyd at 20,000 o bobl y dydd maes o law, yn ôl y Gweinidog Iechyd.

Heddlu'r Gogledd sydd wedi atal cerbyd oedd wedi dod o Middlesex i Dywyn gan rybuddio'r gyrrwr a'i droi am adref.

Siawns mai nid dyna'r traeth agosaf?

Senedd Cymru

Mae Llywodraeth Cymru yn gobeithio cyhoeddi cynllun i adael cyfyngiadau coronafeirws ddydd Gwener.

Fe wnaeth y Prif Weinidog Mark Drakeford y cyhoeddiad wrth annerch y Senedd rhithwir y prynhawn yma.

Dywedodd fod gwaith yn dal i gael ei wneud ar y cynllun a dywedodd: "Rwyf am iddo fod yn glir, ac rwyf am iddo gael ei ddeall yn hawdd gan y cyhoedd yng Nghymru."

Mae yna beryg bod adeiladwyr yn mynd yn ôl i’w gwaith am “rhesymau ariannol” yn hytrach na “iechyd a diogelwch” medd Ffederasiwn y Meistri Adeiladu Cymru.

Dywedodd Ifan Glyn, y Cyfarwyddwr yng Nghymru, bod diffyg cefnogaeth ariannol i gyfarwyddwyr cwmnïau adeiladu yn golygu bod rhai yn mynd yn ôl i’w gwaith er mwyn “sicrhau parhad y cwmni”.

Dywedodd hefyd wrth y Pwyllgor Materion Cymreig bod diffyg canllawiau i’r diwydiant yng Nghymru yn destun pryder.

Ffynhonnell y llun, Getty Images

Senedd Cymru

Yn nghyfarfod llawn rhithwir o'r Senedd, mae Sian Gwenllian AS, yn gofyn pa gamau y mae'r llywodraeth yn eu cymryd i sicrhau nad yw pobl yn ymweld ag ail gartrefi wrth i ŵyl y banc arall nesáu ac yn sgil llacio'r cyfyngiadau yn Lloegr

Dywed y Prif Weinidog fod arwyddion wedi'u gosod ar bontydd Hafren ac yn y Gogledd a bod y llywodraeth mewn cysylltiad cyson ag awdurdodau lleol a heddluoedd Cymru.

Pwysleisiodd hefyd na ellir gweithredu heb dystiolaeth bendant fod pobl yn dod i aros mewn ail gartrefi.

Ffynhonnell y llun, bbc