Βι¶ΉΤΌΕΔ

Er gwaethaf trafferthion trafnidiaeth yn ystod dau ddiwrnod cyntaf yr Eisteddfod dywedodd y trefnwyr nad ydynt yn bryderus y bydd pethau'n gwaethygu yfory pan fydd marchnad anifeiliaid ar ran arall o'r safle.

Dywedodd Sian Eirian, cyfarwyddwr yr Eisteddfod, y bydd yna drefniant gwahanol ar gyfer trafnidiaeth fore Mercher yn dilyn trafodaethau gyda threfnwyr y Mart.

"Ac felly yfory fe fydd yna ddwy ffrwd i'r traffig i sicrhau y bydd y ffermwyr hynny sy'n mynd i'r mart yn hapus ac y bydd eisteddfodwyr yn hapus," meddai.

Bu cryn gwyno fore Llun a heddiw (Mawrth) gyda rhai ymwelwyr dros awr yn hwyr yn cyrraedd maes yr Eisteddfod - rhai wedi cymryd dros awr a chwarter i deithio'r tair milltir o dref Caerfyrddin.

Ond dywedodd Sian Eirian i'r Eisteddfod fod "mewn trafodaethau cyson" efo'r heddlu a Chyngor Sir Caerfyrddin a bod pethau yn gwella. Ychwanegodd i'r ffaith ei bod yn Εµyl banc gymhlethu'r broblem gan annog pawb i gychwyn yn gynnar ac hefyd i gadw i'r rhan gywir o'r lonydd erbyn cyrraedd cyrion yr eisteddfod a pheidio a cheisio goddiweddyd traffig sydd yno'n barod.

Dywedodd fod cylchdro cyfagos - cylchdro Pensarn - yn un lle mae tagfa bob amser.

"Yn naturiol yr ydw i'n cydymdeimlo a'r sefyllfa ac yn gofyn i bawb fod yn amyneddgar," meddai gan alw ar yrwyr i ddilyn arwyddion yr Eisteddfod.

"Hefyd yr ydym yn gofyn i bobl wrando ar y stiwardiaid wrth iddyn nhw eich cyfarwyddo," meddai.

Ychwanegodd fod yr Eisteddfod wedi cael maes parcio ychwanegol gyda bws wennol i liniaru'r broblem.

"Rwy'n gobeithio ein bod wedi lliniaru pryderon pawb," meddai.