Â鶹ԼÅÄ

Ar radio ...

Bydd Â鶹ԼÅÄ Radio Cymru yn darlledu yn fyw o faes Eisteddfod yr Urdd Eryri drwy gydol yr wythnos, o ddydd Llun Mehefin 4 tan ddydd Sadwrn Mehefin 9, gan ddod â'r seremonïau a'r cystadlu yn fyw i'r gwrandawyr.

Rhwng 10.30am - 1pm a 2pm-5pm bob dydd bydd Hywel Gwynfryn a Rhiannon Lewis yn sylwebu'n fyw ar gystadlaethau'r llwyfan.

Bydd rhaglen o uchafbwyntiau'r cystadlu ddydd Sul, Mehefin 10, am 10.30am.

Bydd rhaglenni arbennig o yn dod yn fyw o'r maes hefyd nos Wener, Mehefin 8 a nos Sadwrn, Mehefin 9, am 7pm.

Caffi Mr Urdd fydd cartref fore ddydd Llun o 8am, wrth iddynt gychwyn dathlu'r wŷl mewn steil. Yn ymuno â nhw fydd y band Brigyn i berfformio cân y babis yn fyw ar y rhaglen.

Yn crwydro'r maes bydd Mari Lovgreen, wrth i Iwan Griffiths roi blas o'r cyffro cefn llwyfan. Hwn fydd y tro cyntaf i'r darlledwr Newyddion ymuno a thîm Radio Cymru yn yr Urdd: "Ar ôl cystadlu am flynyddau yn yr Urdd, dwi 'di mwynhau'r fraint o arwain yr Eisteddfod o'r llwyfan dros y tair blynedd diwethaf, ac eleni, yn edrych ymlaen yn fawr iawn at gael ymgymryd â rôl wahanol!" meddai Iwan.

"Mae gwasanaeth Radio Cymru o'r Eisteddfod yn werthfawr, a dwi yn y gorffennol wedi ei fwynhau a'i werthfawrogi'n fawr, felly mae'n gyffrous meddwl y bydda i'n rhan o'r gwasanaeth hwnnw am y tro cyntaf eleni."

Ac i gloi'r wythnos bydd y cyflwynydd Dylan Jones a thîm yn cymryd rhan mewn gornest bêl-droed nos Wener, Mehefin 8, ar Faes Dulyn ym Mhenygroes, yn erbyn timau Sgorio, Rownd a Rownd ac eraill.

Cynhaliwyd yno 20 mlynedd yn ôl pan fu Eisteddfod yr Urdd yng Nglynllifon ddiwethaf.