Â鶹ԼÅÄ

Bydd yÌýgêm yn cael ei chynnal yn y stadiwm pêl-droed 15,000 sedd ym Mhorth Madryn - maes sydd erioed wedi cynnal gêm y Pumas.

Nid yw Cymru wedi chwarae gêm ryngwladol ym Mhatagonia, er bod nifer fawr o siaradwyr Cymraeg yn byw yno.Ìý

Ac meddai rheolwr tîm Cymru,ÌýAlan Phillips: "Rydym wrth ein boddau i gael chwarae ym Mhatagonia am y tro cyntaf. Bydd yn gyfle unigryw i'r tîm Cymreig chwarae yn y Wladfa."

Bydd Cymru yn symud ymlaen i Buenos Aires arÌýgyfer yr ail Brawf arÌý17 Mehefin.

Sefydlwyd tref Porth Madryn ym 1865 wedi i dros 150 adael Cymru am fywyd gwell yn Ne America.

Dyma fydd y pedwerydd tro i Gymru fynd ar daith i'r Ariannin, ond mae rhai Cymry wedi chwarae rygbi dros Batagonia.

Chwaraeodd Jonathan Davies, Ieuan Evans a Carwyn Davies dros dîm Patagoniayn nhwrnament Cenedlaethol Saith-pob-ochr Yr Ariannin yn ystod yÌý1980au.

Dywedodd Alejandro Risler,Ìýllywydd Undeb Rygbi'r Ariannin (UAR): "Mae'n bolisi i fynd â'r Pumas i wahanol lefydd yn y wlad.

"Rydym wedi chwarae Profion yn Salta, Cordoba a Tucuman, a bellach mae'n hen bryd i ni ymweld â Chubut.

"Wedi edrych ar y stadiwm a'r gwestai mae UAR wedi derbyn cynnig Chubut i lwyfanu'r gêm.

"Mae hynny'n golygu ein bod yn chwarae ym Mhatagonia am y tro cyntaf yn ein hanes."

Roedd y gêm i fod i'w chynnal ar y dydd Sadwrn ond mae wedi ei roi yn ôl am 24 awr er mwyn osgoi cystadlu â gêm Yr ArianninÌýâ'r Cote D'IvoireÌýyng Nghwpan y Byd ar 11 Mehefin.