Siom
Mae newyddiadurwyr yn hoff o drwbl. Trafferth yw ein busnes ni. Gwrthdaro sy'n talu'n cyflogau.
Mae fy nghalon yn gwaedu felly wrth i mi orfod cofnodi bod 'na arwyddion cynnar y gallai'r LCO iaith gael rhwydd hynt yn San Steffan. Mae'n ymddangos bod aelodau seneddol Llafur wedi penderfynu ymddiried yn eu cyd-bleidwyr yn y Cynulliad i atal unrhyw fesur byddai'n gosod baich ar y sector breifat a'u bod o'r farn bod yr egwyddor o drosglwyddo deddfu ieithyddol i'r cynulliad yn un sy'n amhosib dadlau yn ei herbyn. Gwnaeth hyd yn oed y Don ei hun awgrymu hynny ar "Dragon's Eye" neithiwr.
Gallai pethau suro, wrth gwrs, ac mae 'na ofnau ar bumed llawr Tŷ Hywel y gallai rhai o aelodau'r pwyllgor dethol lusgo'u traed yn y gobaith y bydd etholiad cyffredinol yn gyrru'r holl broses yn ôl i'r cychwyn.
Fe gawn weld.
Golygydd Materion Cymreig y Â鶹ԼÅÄ yn blogio'n rheolaidd ar faterion gwleidyddol Cymru.
SylwadauAnfon sylw
Maddeuwch fy anwybodaeth. Ydw i'n guywir i ddweud, os ydy'r etholiad ar ol i'r eLCO gael ei gymeradwyo, mae'r pwerau gyda'r Cynulliad - diwedd y stori.
Ac wedyn, os daw mesur 2010 yn creu comisiynydd iaith, a mesur 2012 yn gorfodi i gwmniau egni weithredu'n ddwyieithog, a mesur 2014... ydy hynny'n dderbyniol?
(Gyda llaw, yn dilyn cwestiwn rhai wythnosau nol erbyn hyn, lluosog eLCO, yn nhraddodiad y Lladin, byddai eLCI. Wneiff hynny dala mlaen, chi'n meddwl?)