Bae DC
Roeddwn i wedi dod i'r casgliad bod 'na ddim byd newydd i ddweud ynghylch datganoli ac mae ail-adrodd hen syniadau a hen ddadleuon byddai'n ffawd rhwng nawr a phryd bynnag y cynhelir y refferendwm nesaf.
Ond diawch, beth yw hyn? Mae rhyw un wedi cael syniad newydd! Dydw i ddim yn dweud ei fod e'n syniad da...ond o leiaf mae'n un gwreiddiol!
Yfory fe fydd Russell Deacon, Democrat Rhyddfrydol ac academydd yn UWIC yn cyflwyno papur i gonfensiwn Syr Emyr yn awgrymu y dylai rhannau o Gaerdydd gael eu llywodraethu'n uniongyrchol o'r Cynulliad gyda'r Cyngor Sir yn gofalu am weddill y ddinas.
Am wn i, meddwl am greu rhyw fath o "District of Columbia" neu Frasilia mae Russell. Ar yr olwg gyntaf mae'r syniad yn un hurt ond mae 'na reswm dros yr awgrym. Yn ôl Russell mae'n annheg disgwyl i drethdalwyr Caerdydd ysgwyddo'r cyfan o'r baich ariannol am greu cofebion a sefydliadau cenedlaethol ei natur. Ar y llaw arall mae trethdalwyr mewn rhannau eraill o Gymru yn gyndyn i weld eu harian nhw yn ariannu sefydliadau yng Nghaerdydd.
Yr ateb yn ôl Russell yw creu ardal sydd yn eiddo i Gymry gyfan ardal sydd yng Nghaerdydd ond sy ddim yn rhan oGaerdydd.
Fel dwedais i o leiaf mae'n wreiddiol!
Golygydd Materion Cymreig y Â鶹ԼÅÄ yn blogio'n rheolaidd ar faterion gwleidyddol Cymru.
SylwadauAnfon sylw
Dwi'n meddwl ei fod yn syniad da ac roedd llawer o'r pethau eraill roedd y bachan yn ei ddweud yn gwneud synnwyr.
A dweud y gwir, mae'n syfrdannol nad oedd nifer o'r awgrymiadau heb eu gwireddu eisoes - diffyg gweledigaeth neu barch a balchder at urddas sefydliad y Cynlliad a Chymru sy'n gyfrifol am hynny am wn i.