Rwdlan efo'r flwyddyn
Maen nhw'n siŵr o fod yr ateb hawdd cyntaf i'r rhai hynny sy'n ei chael yn anodd i feddwl beth i'w roi yn anrheg Nadolig.
Neu'n rhy ddiog.!
Calendr. Mae siopau yn berwi ohonyn nhw yr adeg hon o'r flwyddyn - ond eleni bydd un Cymraeg ychydig yn wahanol i'r arfer.
!
Na, nid un efo wyth diwrnod mewn wythnos ond calendr un o gyfresi llyfrau plant mwyaf poblogaidd y Gymraeg - Cyfrwes Rwdlan.
Yn cael ei gyhoeddi gan mae'r calendr yn cynnwys un o luniau Angharad Tomos, awdur ac arlunydd y gyfres, ar gyfer pob mis.
Ei bris yw £4.95 ac mae o faint A4 - ar ei ochr - ac fel pob calendr gwerth ei halen yn dangos digwyddiadau pwysig y flwyddyn, fel Sul y Pasg, Calan Gaeaf, Dydd Gŵyl Dewi a Dydd Santes Dwynwen.
Mae lle bob dydd hefyd i nodi pen-blwyddi neu ddigwyddiadau eraill.
Erbyn hyn mae cyfres Rwdlan wedi difyrru sawl cenhedlaethj o blant ers cyhoeddi'r gyfrol gyntaf, Rala Rwdins, yn 1983.
Gwerthodd honno ei hun ymhell dros 15,000 o gopïau erbyn hyn a gwnaed rhaglenni teledu a chynhyrchwyd CD-ROMs yn seiliedig ar y gyfres. Mae'r llyfrau hefyd yn sail i gyfres o lyfrau darllen ar gyfer ysgolion cynradd, Darllen Mewn Dim.
Mae'r awdur, Angharad Tomos yn llenor o fri wedi ennill Medal Lenyddiaeth yr Urdd ddwywaith a Medal Ryddiaith yr Eisteddfod Genedlaethol ddwywaith - yn 1991 yn yr Wyddgrug am y nofel Si Hei Lwli ac yn y Bala yn 1997 am y nofel Wele'n Gwawrio.
Enillodd hefyd wobrau Cyngor y Celfyddydau a'r Academi.
Hefyd, enillodd wobr Tir na n-Og ddwywaith, yn 1986 am Y Llipryn Llwyd (Cyfres Rwdlan) ac yn 1994 am Sothach a Sglyfath (Cyfres Cled). Enillodd hefyd Dlws Mary Vaughan Jones yn 2009.
Awdur yn amlwg a sawl diwrnod i'w nodi ar ei chalendr
