Ymateb cadeiriol
Fel yr oedd rhywun yn rhagdybio ddoe mae ymateb yn barod i Gadair Eisteddfod Glynebwy.
Dyma rai o'r pethau a glywyd hyd yn hyn - a dim ond neithiwr oedden nhw'n ei dangos hi am y tro cyntaf erioed.
- "Iesgob!"
-
"Mi fydda hi wedi bod yn un dda ar gyfer Y Bala y llynedd - lle nad oedd yna neb yn deilwng."
-
"Mi fydd hi ar e-bay mis Awst."
-
"Mae hi fel un o'r awyrennau papur yna roeddem ni'n eu gwneud yn yr ysgol ers talwm."
-
"Gobeithio eu bod nhw wedi cadw'r risît."
-
"Lle mae o'n mynd i ista?"
-
"Dyna un fantais o gael Cadair wedi ei gwneud gan dri o bobl - mi fedran nhw roi'r bai ar ei gilydd."
Hyd yn hyn, ni chlywyd fawr ddim canmoliaeth . . . ond mae hawl i wneud hynny hefyd.
SylwadauAnfon sylw
Bendith fwyaf y gadair hon yw ei bod yn amlwg yn plygu ac yn hawdd i fynd a hi adref yng nghefn y car. Canmoliaeth iddi am hynny!
Ein gobaith mawr yw y bydd rhywun yn cael rhoi dwy foch ei din arni ar ba bynnag ddiwrnod y mae'r cadeirio erbyn hyn.