Â鶹ԼÅÄ

Gall cyfnod yr arholiadau fod yn un annifyr, gyda miloedd o bobl ifanc led-led Cymru dan straen, boed yr arholiadau yn rai TGAU, Lefel A, gradd... neu unrhyw rai eraill.

Er mwyn eich helpu trwy'r cyfnod yma, a chael y canlyniadau gorau allwch chi, mae C2 a'n harbenigwr arholiadau - Iwan Davies - wedi llunio tips ar eich cyfer.

Pwysigrwydd Adolygu:

• Byddech chi ddim yn ystyried rhedeg marathon heb ymarfer yn gyntaf - ymgeisiodd Jordan a ma' pawb yn cofio beth ddigwyddodd iddi hi!
• Meddyliwch am eich arholiadau yn yr un modd. Mae'r ymarfer, fel adolygu yn anodd a di-ddiolch ond mae'r teimlad o lwyddo yn gwneud mwy na iawn am hynny.
• Os ydych yn anelu am amser o 3 awr neu 7 awr s'dim ots ond cyrraedd y nod yw'r gôl - pe bai chi yn anelu am 12 A* neu sawl C a D - s'dim ots ond i chi gyrraedd eich potensial chi.

Adolygu Cyffredinol:

• Mi ddylech chi fod wedi dechrau adolygu yn ddelfrydol cyn Pasg, ond nid yw hi'n rhy hwyr. Gwnewch y gorau o'r amser sydd ar ôl.
• Ewch trwy eich ffeiliau nawr a sicrhewch fod pob dim gyda chi yn barod - ewch i weld eich athrawon i gasglu gwaith coll.
• Dylai bod gennych un ffeil i bob pwnc/uned a hwn wedi ei labelu yn glir ac wrth law - safio stress
• Mae presenoldeb yn holl bwysig o hyn allan gan fydd llawer o adolygu yn digwydd yn y gwersi.
• Mae technegau gwahanol o adolygu yn gweithio i unigolion - ARBROFWCH - ffeindiwch yr arddull sydd orau i chi - gwrando, darllen, gweledol.
• Cymerwch gamau nawr i sicrhau cyn lleied o stress ac sydd yn bosib - chi yn mynd i gael panic s'dim ots pa mor barod ydych chi ond mae modd o reoli hyn yn yr wythnosau cynt.

Tactegau:

• Y peth pwysicaf yw creu AMSERLEN ADOLYGU. Amserlen wythnosol sy'n dda fel bod strwythur gyda chi. Mi fydd hyn yn hwyluso'r broses ac yn sicrhau nad oes cyfle gyda chi i wastraffu amser.
• 45 munud y sesiwn ( byddwch yn colli canolbwyntiad ar ôl hyn) yna egwyl o tua 15m
• gwnewch bethau gwahanol ym mhob egwyl fel newid bach, gan sicrhau awyr iach.
• rhowch darged - unwaith i chi orffen adran arbennig o waith eich bod chi'n cael treat e.e. Siocled, gem ar y cyfrifiadur, galwad ffôn, (ond ewch nôl i'r adolygu ar yr amser cywir).
• Wrth lunio hwn mi allwch gymryd i ystyriaeth eich hoff rhaglenni teledu (i gyd-fynd ag egwyl), tripiau i'r sinema, dre, siopa, chwaraeon - cofiwch bwysigrwydd hamddena, er nid ar draul y dysgu.
• Peidiwch esgeuluso bwyta ac yfed - dwr hynny yw- neu byddwch yn colli canolbwyntiad.

Gwella eich cof:

• Ar ôl adolygu uned arbennig mae'n bwysig i adolygu'r hyn a ddysgoch ar ôl amser - e.e. ar ddiwedd y diwrnod adolygu
*24 awr yn ddiweddarach
*Wythnos yn ddiweddarach er mwyn gweld beth yw'r cam nesaf - cryfderau a gwendidau pwnc
*Defnyddiwch ddydd Sul e.e. fel diwrnod o adolygu'r wythnos gan benodi 15 munud i bob pwnc.

Lleoliad:

• Sicrhewch leoliad tawel cyfforddus gyda golau da - er yn esmwyth nid yw'r sofa o flaen teledu yn syniad da.
• Ceisiwch fod i ffwrdd o gyfrifiadur / ffon y t? / ffon symudol i osgoi temtasiwn. Yn ogystal dwedwch wrth eich teulu trefn adolygu eich dydd fel y cewch lonydd ac efallai treats yn ystod eich egwyl.
Sicrhewch fod cyflenwad digonol o bapur / adnoddau gyda chi yn yr ystafell fel bod dim tarfu.

°ä´Ç±èï´Ç:

• Peidiwch copïo nodiadau drosodd a throsodd - defnyddiwch nhw hefyd drwy osod profion bach.
• Gwnewch nodiadau o ffeithiau allweddol a defnyddiwch uchafbwyntwyr (highlighter pens). Mae hyn yn fodd o wneud pethau ychydig mwy diddorol.

Adolygu mewn gr?p:

• Mae hyn yn dda os yw eich ffrindiau yn synhwyrol. Mi allwch ddarllen / gosod profion / cwis / ac esbonio darnau anodd. BYDDWCH YN OFALUS gyda'r dechneg yma!!

PWYSIG!!!!

• Os ydych yn poeni, y peth gorau i wneud yw siarad gyda'ch athro. Ma' nhw yno i'ch helpu. Siaradwch gyda phennaeth yr adran, pennaeth blwyddyn neu eich athro cofrestru os ydych chi yn rhy swil- mae modd i ddatrys eich pryderon felly peidiwch ofni.
• Peidiwch cuddio dan gragen a disgwyl i atebion ddod atoch chi - byddwch yn pro-actif.
• Defnyddiwch wefannau fel Â鶹ԼÅÄ Bitesize ond cyn bapurau yw un o'r pethau gorau.

Deg Rheol Adolygu:

1. byddwch bositif
2. hyder (nabod papur ayyb)
3. popeth yn gyflawn (dim munud olaf)
4. Adolygwch yn Actif - ewch ar ôl pethau annealladwy yn hytrach na chuddio wrthynt.
5. Ymarfer strwythur atebion
6. Amseru atebion arholiad- i ddod yn gyfarwydd
7. Peidiwch mynd yn negyddol a digalonni
8. Adolygu gr?p - os yn synhwyrol.
9. Cydbwysedd - o ran y pynciau, hamdden, gwobr
10. Ewch i weld eich athrawon am broblemau nawr - gore po gyntaf.

Dyna'r cyfan am y tro - pob lwc gyda'r adolygu a'r arholiadau. Os wyt am ragor o gymorth, cofia ymweld ag adran (