Â鶹ԼÅÄ

Cofion cynnes, o Langrannog

Haul oer,
Awel fain,
A dwylo bach fel talpiau rhew
Ar ôl codi’r Castech Mwya 'Ioed
Yn safn yr Ogof Ddu.

Troi'i gefn ar y profiad
A throi'i wên am adra.

A'r don eisoes wrth y mur,
Mae'n byrlymu gronynnau ei eiriau bach
I bwced y cof
Cyn ei throi hi wyneb i waered
Yn gastell o atgofion cynnes
Am haul ac awel fwyn
A saif,
Drwy lanw a thrai,
Ymhell o’r Ogof Ddu.