Â鶹ԼÅÄ

TRA BO...
(Ar ddiwedd blwyddyn, gan edrych ymlaen at 2016 ac i ddiolch i’r dysgwyr)

Tra bo Rhos yn dal i ganu,
tra bo dŵr yn nyfroedd Dyfrdwy,
cyn i Fwlchgwyn ildio’i go’
tra bo dur ym mêr y Brymbo.

Tra bo trem ar dŵr San Silyn,
a thramwyo llwybrau Alun
Tra bo mwynder dyfroedd Gwenfro
yn dal i gynnig rhin noswylio.

Tra bo ywen draw yn Owrtyn,
tra bo tinc yng nghlych y llan,
Tra bo cariad mewn calonnau
O’r tywyllwch cyrchwn olau.

Tra bo traphont Froncysyllte
A Choedpoeth yn dal i ‘gomio’,
Tra bydd dysgwyr hyd hen oror
Yn ail-gydio yn ein trysor.

Aled Lewis Evans
Blwyddyn Newydd dda.