Main content
Gwrando nawr

β€œThis is not soccer!” – cerdd Aneirin Karadog i Nigel Owens

John Hardy yn sgwrsio gyda'n Bardd y Mis, a cherdd i'r dyfarnwr rygbi Nigel Owens.

Aneirin Karadog yn sgwrsio gyda John Hardy am farddoniaeth a rygbi, a cherdd newydd i Nigel Owens, sy'n debygol o ddyfarnu gΓͺm derfynol Cwpan Rygbi'r Byd.

β€œThis is not soccer!”

Mae un o’r cwm yn nhwrw’r cae. Un gΕ΅r:
Ceiliog gwynt y campau;
GΕ΅r a ddofa gyhyrau
Y maes o’i dweud fel y mae.

O ferw llafar y llwyfan a’i holl sΕ΅n
Drwy’r gwyll seinia’i gytgan;
Gall dorri crib a’i chwiban
Neu roi cais yn glochdar cΓ’n.

Trwy orwelion chwarter eiliad y gwΓͺl
Fel hebog ias rhediad
A mès o gyrff maes y gad
Gan olygon ei lygad.

Pan ddaw torf a’i thymer i’w herian e
Ni chlyw un yn sgrechian;
Ei Wendraeth yw dur a thΓ’n
ei lais dros lu a’i hisian.

Am unwaith mae Nigel am ennill! Saif
Ei enw’n sawl pennill
A thΓ΄n llawn sΓ΄n fesul sill
Yn waedd am guro’r gweddill.

Yn ein cΓ’n ni fydd gwahaniaeth rhwng dyn,
Rhwng dawn dynoliaeth
I uno gwΕ·r a fu yn gaeth,
Yn deulu o frawdoliaeth.

Mae un o’r cwm yn arwr cΓͺl drwy’r stΕ΅r,
Un gΕ΅r ar y gorwel;
Yn ddiduedd o dawel,
Mor wych yw’r Gymru a wΓͺl.

Aneirin Karadog

12 o funudau

Daw'r clip hwn o

Bore CothiJohn Hardy yn cyflwyno

Dan sylw yn...

Mwy o glipiau Bore Cothi

Gweld holl glipiau Bore Cothi (937)