CRIW'R SHIP: Parodi ar yr emyn ‘Calon Lân’
Nid wy’n gofyn siwtiau moethus
Sidan drud na phwythau mân.
Gofyn wyf am socs sy’n matshio,
Fest heb dwll a bocsyrs glân.
Bocsyrs glân yn llawn daioni
Tecach ŷnt na’r un drôns dlos.
Dim ond bocsyrs glân sy’n denu.
Pâr i’r dydd a phâr i’r nos.
Pe dymunwn orig fydol,
Chwim ddihangfa ohonynt sydd.
Golud bocsyrs glân, rhinweddol
Yn dwyn bythol elw fydd.
Bocsyrs glân yn fawr eu gofod,
Llaciach Å·nt na thangas tynn.
Dim ond bocsyrs glân digysgod,
Rhai lliw’r eira, eira gwyn.
 
Hwyr a bore yw ’nymuniad
A thrwy’r pnawn yn ddiwahan.
Diolch i Dduw, ar ran fy nghariad
Fod llond fy nrôrs o focsyrs glân.
Bocsyrs glân sy’n iswisg berffaith.
Llyfnach Å·nt o dan dy glos.
Dim ond bocsyrs glân rydd obaith
O garu’r dydd a charu’r nos.
Arwel Roberts (Gwyneth Glyn yn canu)
9.5
