Main content
Cerdd Rydd: Hwyrach.
Hwyrach fory, daw awen
a cherdd neu ddwy gyda hi
sy’n plethu rhwng llinellau
syniad tlws i’m geiriau i.
Hwyrach fory, caf ddringo
yn uwch ac yn uwch o hyd
a gwenu o gael edrych
ar dlysni pellteroedd byd.
Hwyrach fory, sibrydaf
yn dawel un neges fach
‘mod innau yn dy garu,
cyn i’r diwrnod ganu’n iach.
Ond heddiw rwyf yn eistedd
a phwysau’r byd ar fy mod
a sylwaf innau, hwyrach
na fydd fory byth yn dod.
Catrin Gwyn
9.5
Cyfanswm Marciau: 54
Hyd:
Daw'r clip hwn o
Mwy o glipiau 02/06/2013
-
Cân Ysgafn: Pawb a'i fys.
Hyd: 01:34
-
Englyn: Ffurflen.
Hyd: 00:14
-
Cerdd Rydd: Hwyrach.
Hyd: 01:09