Â鶹ԼÅÄ

Hwiangerdd

Bocsio’i phethau hogan fach y mae hi:¬
Lastig plethan pili-pala del,
Bag pinc a chardiau cathod a hen ddoli –
I lofft yr atig ’gân nhw fynd am sbel.
Ac mae hi’n piffian chwerthin yn ei chwrcwd
A chanu’r pennill eto, wrth roi llun
Hen Fenyw Fach Cydweli uwch ei nenfwd:
‘Dwi ’mo’i angen nes ca’i ’mhlant fy hun!’
Mi gadwn hwnnw, gyda’r pethau bychain,
Mewn tywyllwch o dan grib y to:
Mae rhai meddyliau yn ein harwain
Yn rhy bell i’r gors, ac am y tro
Mi ganwn deg am ddimai gyda hi
Gan fentro fod ’na unarddeg i ni.

Myrddin ap Dafydd

9.5

Cyfanswm marciau Tir Mawr: 56