Â鶹ԼÅÄ

Fhuair sinn lèirmheas John Neil Dòmhnallach air a' film Conclave bho an stiùiriche Edward Berger. Sgeulachd ficsein, làn foill agus cealgaireachd, mu strì os iosal a tha a' dol eadar buidheannan sa Vatican 's iad ag ullachadh airson Pàp ùr a thaghadh.

Thèid rannsachadh as ùr a’ dhèanamh aig làraich far a bheil carraighean-adhlaic ann an Alba. Tha àrc-eòlaichean dhen bheachd gun deach aitichean-adhlacaidh sònraichte a thogail le feadhainn a bha beò aig àm nuadh-chreagach . Bha Coinneach MacIlleathain ann an còmhradh ri Cathy mun a seo.

Chuala sinn bho Anna Mhàrtainn, Cèiliche na Seachdain. 'S ann às an t-Eilean Sgitheanach a tha Anna 's tha i direach air àite a chosnadh air àrd liosta de luchd-ciùil traidiseanta na h-Alba. Tha ceòl agus seinn air a bhith ga cuairteachadh fad a beatha. Chuir i ùine seachad ann an Afraga an cois tuathanaich agus i air siubhal gu iomadh àite eile cuideachd.

Ciamar a bhios sibhse a' sgeadachadh an taighe aig àm na Nollaig? Bha aoighean ann an còmhradh ri Cathy mu na bhios iad fhèin a dèanamh.