Â鶹ԼÅÄ

Tha 60 bliadhna bho chaidh casg a chur air an druga Thalidomide do bhoireannaich a bha a' giùlain leanabh ach, mar a chluinneas sinn bhon Dr Ailean Mac an Tuairnear, tha an druga fhathast air a chleachdadh airson aillse agus galaran eile a leigheas.

A’ comharrachadh 45 bliadhna bho chaidh Urras a’ Phrionnsa a stèidheachadh, mìnichidh Anna NicLeòid an obair a tha an t-Urras a' dèanamh gu nàiseanta agus gu h- eadar-nàiseanta cuide ri òigridh eadar 11 agus 30 bliadhna a dh'aois.

Tha taisbeanadh a’ ruith an-dràsta ann an Taigh-tasgaidh Freud ann an Lunainn – Code Name Mary: The Extraordinary Life of Muriel Gardiner. Tha e ag innse sgeulachd beatha iongantach Muriel Gardiner tro dheilbh, sgrìobhaidhean agus a fèin-eachdraidh. 'S ann an-dràsta a tha daoine mothachail air an oidhirp mhìorbhaileach a rinn i a' sàbhaladh iomadach beatha bhon rèisim Nazitheach aig àm a' chiad agus an dàrna cogaidh. Tha Cairistìona NicChonail air a bhith a' toirt sùil air ais air a beatha.

Chaidh film ùr James Bond, No Time To Die, fhoillseachadh a-raoir. Film a bhathar an dùil a bhiodh air fortan a dhèanamh as na taighean-deilbh san t-Samhain 2020, ach air sgàth glasadh-sluaigh chaidh bacadh a chur air trì turais. Seo an 27mh fiolm anns an t-sreath, ach tha ceist ann an e seo am fear mu dheireadh. Gheibh sinn beachd ceathrar a tha dèidheil air 007 a bheil an t-àm aige a dhreuchd a leigeil seachad.