Â鶹ԼÅÄ

Tha 100 bliadhna ann bho rugadh Henrietta Lacks, a bhàsaich aig aois 31 's aillse oirre. Mar phàirt den leigheas a bha Henrietta a’ faighinn, chaidh an stuth-cealla aice a chruinneachadh agus a thoirt do luchd-rannsachaidh, gun chead. Chaidh an stuth-cealla an uair sin a chleachdadh ann an iomadh pìos rannsachaidh chudromach thar nam bliadhnaichean agus tha an obair a chaidh a dhèanamh leis fhathast na phàirt mhòr de rannsachadh airson aillse agus galaran gabhaltach – nam measg Covid-19. Tha an t-eòlaiche bith-eòlas Màiri NicRath a’ mìneachadh mar a thàinig seo gu bith agus an dìleab a dh'fhàg Henrietta Lacks às a dèidh.

Tha an neach-naidheachd Ruairidh MacÌomhair ag innse dhuinn mun chiad phrògram san t-sreath ùr de Eòrpa, far a bheil e a’ faighneachd ciamar a bu chòir eachdraidh agus dìleab na tràilleachd a bhith air a chomharrachadh air Ghàidhealtachd.

Tha dà chompanaidh a tha a' cruthachadh dhrogaichean agus cungaidhean-leighis air tighinn còmhla 's iad air banachdach Covid-19 a chruthachadh a tha iad am beachd a tha èifeachdach. Mìnichidh Dùghlas Moireasdan, Rannsaiche Saidheans aig Oilthigh Ghlaschu, mar a tha na companaidhean dhrogaichean seo ag obair.

Agus tha an t-eòlaiche-inntinn Dòmhnall MacLeòid a’ toirt dhuinn beachd air mar a dhèilig a’ Cheann-suidhe Dòmhnall Trump ri toraidhean an taghaidh sna Stàitean Aonaichte.