Â鶹ԼÅÄ

Air an 19mh den Dàmhair 1918 thàinig Batal Courtroi no an Dara Blàr dhen Bheilg gu ceann le buaidh fhurasta dha na Co-chòmhraigich. Ghabh feachdan na Beilg bailtean Zeebrugge agus Bruges air ais cuideachd. Ron ath latha, bha cladach na Beilg uile air ais fo smachd feachdan nan Co-chòmhraigeach. Chualas cuideachd gun robh Riaghaltas na Gearmailt air freagairt a thoirt dhan Cheann-suidhe Woodrow Wilson a’ gabhail ris na cùmhnantan a bha e air an cur mun coinneamh airson fosadh.

Agus bha aithris anns a’ Highland News mun phrìs a bha ri phàigheadh nan rachadh do ghlacadh a' cuideachadh prìosanaich cogaidh Gearmailteach. Chaidh casaid a thogail an aghaidh a’ gheamair Evan agus a bhean Ceit Fhrisealach gun robh iad air riaghailtean Dìon na Rìoghachd a bhriseadh le bhith a’ toirt bolla mine do shaighdear Gearmailteach a bha na phrìosanach san sgìre. Gheibh sinn a-mach bho Ghilleasbuig MacDhòmhnaill dè a' bhinn a chaidh a chuir orra.