Teyrnged i Gymro fu farw wedi damwain yn Benidorm
Dywedodd teulu Nathan Osman mai ei blant oedd "ei holl fyd ac roedd yn byw ar eu cyfer"
- Cyhoeddwyd
Mae teulu tad i bedwar o blant yn dweud eu bod "wedi ein dinistrio" wedi iddo farw ar ôl cymryd y llwybr anghywir yn ôl i'w westy yn Benidorm, Sbaen.
Roedd Nathan Osman, 30 o Bontypridd, ar ei wyliau tramor cyntaf gyda ffrindiau ddydd Sadwrn pan aeth ar goll a chael cwymp angheuol.
Dywedodd teulu Mr Osman mai ei blant oedd "ei holl fyd ac roedd yn byw ar eu cyfer".
Mae ei deulu yn annog pobl i beidio â cherdded adref ar eu pennau eu hunain.
Mae teulu Nathan Osman am iddo "gael ei gofio am yr enaid anhygoel yr oedd o a'r etifeddiaeth hardd mae wedi'i gadael i bawb"
Dywedodd ei deulu bod y ddamwain "wedi gadael [ei bartner] Katie a'i bedwar o blant i fyw gweddill eu bywydau hebddo".
Disgrifiodd y teulu ef fel tad anhygoel, ffyddlon, gofalgar a "gwir ffrind i unrhyw un oedd yn ddigon ffodus i'w adnabod".
"Roedd ei wên a'i lygaid brown mawr yn heintus," ychwanegon nhw.
"Ef oedd un o’r eneidiau mwyaf caredig a bydd ei etifeddiaeth yn parhau trwy ei bedwar plentyn hyfryd."
Ychwanegodd ei deulu: "Waeth sut rydych chi’n teimlo ar y pryd, peidiwch â chymryd eich diogelwch yn ganiataol.
"Rydyn ni eisiau i Nathan gael ei gofio am yr enaid anhygoel yr oedd o a'r etifeddiaeth hardd mae wedi'i gadael i bawb.
"Bydd yn cael ei golli am byth."