Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Batio gwych yn sicrhau gêm gyfartal i Forgannwg
Ffynhonnell y llun, Getty Images
Fe wnaeth Morgannwg achub gêm gyfartal yn erbyn Sir Efrog ar ôl llwyddo i fatio trwy'r diwrnod olaf yng Nghaerdydd.
Ar ôl penderfynu batio gyntaf fe gyrhaeddodd Sir Efrog gyfanswm gwych o 500 o rediadau, gyda 192 o'r rheiny gan y capten Shan Masood.
Yn eu hymateb nhw, 273 oedd cyfanswm Morgannwg, gyda'u capten hwythau Kiran Carlson yn brif sgoriwr gyda 64.
Gyda Sir Efrog ar y blaen o 237 o rediadau, penderfynon nhw mai Morgannwg fyddai'n dechrau eu hail fatiad gyntaf, ond y tro hwn roedd ymateb llawer gwell gan y Cymry.
Diolch i ymdrechion arwrol Sam Northeast (166 heb fod allan) ac Eddie Byrom (101), llwyddodd Morgannwg i fatio trwy'r diwrnod olaf - gan gyrraedd cyfanswm o 401-5 - er mwyn achub gêm gyfartal.
