Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Cyhoeddi enw dyn fu farw ar safle ailgylchu yn lleol
Mae gweithiwr fu farw mewn digwyddiad ar safle ailgylchu yng Nghaerdydd wedi cael ei enwi’n lleol fel Kyle Colcomb.
Cafodd Mr Colcomb ei ddisgrifio gan gydweithwyr fel “gwr bonheddig” a dyn “cwbl unigryw”.
Cafodd y gwasanaethau brys eu galw i safle Atlantic Recycling yn Nhredelerch, Caerdydd, am 12:45 ddydd Llun.
Dywedodd yr heddlu fod dyn wedi cael ei anafu yno, a'i fod wedi marw o'i anafiadau.
Yn ôl perchnogion y cwmni, Dauson Environmental Group, fe ddigwyddodd y farwolaeth tra bod "contractwr yn gwneud gwaith cynnal a chadw" ar y safle.
Dywedodd M & B Hydraulics eu bod wedi "digaloni'n llwyr" yn sgil marwolaeth Mr Colcomb, gan ddweud ei fod yn “bleser llwyr i fod wedi gallu gweithio gydag ef”.
Disgrifiodd UKFF Solutions Mr Colcomb ar Instagram fel “dyn gwych a gweithiwr arbennig o galed".
Dywedodd Dauson mewn datganiad ddydd Llun eu bod yn “parhau i gefnogi’r gwasanaethau brys a rheoleiddwyr gyda’u hymchwiliadau”.