�鶹Լ��

Mae “trafodaethau yn parhau” am y posibilrwydd o geisio cael y cyflwynydd newyddion Huw Edwards i ad-dalu £200,000 yn ôl i'r �鶹Լ��, medd cyfarwyddwr cyffredinol y gorfforaeth.

Mae’r �鶹Լ�� wedi gofyn i Edwards dalu'n ôl y cyflog a enillodd wedi iddo gael ei arestio fis Tachwedd diwethaf am greu delweddau anweddus o blant.

Wrth siarad mewn pwyllgor yn Nhŷ’r Arglwyddi ddydd Mawrth, dywedodd y cyfarwyddwr cyffredinol Tim Davie: “Rydyn ni wedi gwneud y cais ffurfiol ac ni allaf fynd i ormod o fanylion ond mae trafodaethau ar y gweill.

"Dylai'r arian gael ei ddychwelyd ac fe wnaethom y cais."

Pan holodd cadeirydd y pwyllgor cyfathrebu a digidol, y Farwnes Stowell, a oedd y �鶹Լ�� wedi gosod dyddiad penodol i Edwards, dywedodd Mr Davie nad oedd dyddiad penodol.

“Ond rydyn ni’n disgwyl symud ymlaen a chael ateb,” meddai.

Ychwanegodd pennaeth y �鶹Լ�� y gallai’r gorfforaeth ymchwilio i ffyrdd cyfreithiol o adennill yr arian.

Cafodd Huw Edwards ei wahardd o'r gwaith ym mis Gorffennaf 2023 a’i arestio bedwar mis yn ddiweddarach. Fe ymddiswyddodd o'r �鶹Լ�� ym mis Ebrill eleni.

Ym mis Gorffennaf, plediodd Edwards yn euog i dri chyhuddiad o greu delweddau anweddus o blant.

Fe wnaeth y cyn-gyflwynydd “ymddwyn yn anonest” wrth barhau i gymryd ei gyflog er ei fod yn gwybod beth roedd wedi’i wneud, meddai cadeirydd y �鶹Լ��, Samir Shah, mewn llythyr at staff fis diwethaf.

Wrth siarad â'r pwyllgor ddydd Mawrth, dywedodd Mr Shah fod "dim byd pwysicach nag ymddiriedaeth y cyhoedd yn y �鶹Լ�� ac rydyn ni'n geidwaid yr ymddiriedaeth honno".

Ychwanegodd: “Fe wnaeth yr hyn a wnaeth Huw Edwards niweidio enw da’r �鶹Լ��.

"Roedd yn sioc canfod ei fod wedi'i gyhuddo ac wedi byw bywyd dwbl.

"Y person a wnaeth fradychu ymddiriedaeth y genedl yn y �鶹Լ�� oedd Huw Edwards."