Caernarfon: Arestio pump wedi digwyddiad yn ymwneud â dryll
- Cyhoeddwyd
Mae pump o bobl wedi cael eu harestio yn dilyn digwyddiad yn ymwneud â dryll yng Nghaernarfon nos Sul.
Cafodd Heddlu Gogledd Cymru eu galw i adroddiadau o anrhefn ar Lôn y Bryn yn y dref am 21:38.
Dywedodd yr heddlu bod dau ddyn wedi eu harestio ar amheuaeth o fod â dryll yn eu meddiant mewn man cyhoeddus.
Cafodd tri dyn arall eu harestio ar amheuaeth o fod ag arf ymosodol yn eu meddiant.
Dywedodd yr heddlu y bydd ganddynt bresenoldeb uwch yn yr ardal ddydd Llun wrth i’w hymchwiliad barhau.
Mae'r llu yn apelio ar unrhyw un sydd â gwybodaeth am y digwyddiad i gysylltu â nhw.