Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Ymchwilio i dân yng Ngwesty Parc y Strade Llanelli
Mae ymchwiliad wedi dechrau i achos tân mewn gwesty yn Llanelli sydd wedi'i glustnodi ar gyfer cartrefu ceiswyr lloches.
Cafodd Gwasanaeth Tân ac Achub Canolbarth a Gorllewin Cymru eu galw i'r digwyddiad yng Ngwesty Parc y Strade toc cyn 22:30 nos Sul, yn dilyn adroddiadau o dân ar risiau ar lawr gwaelod yr adeilad.
Erbyn i'r criw tân o Lanelli gyrraedd y safle, roedd y fflamau wedi cael eu diffodd gan swyddogion Heddlu Dyfed-Powys.
Roedd swyddogion tân yn bresennol ar y safle tan oriau man fore Llun, a does dim adroddiadau fod unrhyw un wedi cael eu hanafu.
Dros y misoedd diwethaf mae'r gwesty wedi bod yn ganolbwynt i ffrae yn lleol ynglŷn â chynlluniau Llywodraeth y Deyrnas Unedig i gartrefu ceiswyr lloches ar y safle.