Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Cyhuddo prifathro o gam-drin plentyn yn rhywiol
Mae prifathro ysgol uwchradd wedi ymddangos yn y llys wedi ei gyhuddo o gam-drin plentyn yn rhywiol.
Cafodd Neil Foden, 66, o Gwynant, Hen Golwyn, ei gadw yn y ddalfa gan ynadon yn Llandudno.
Ni wnaeth cyfreithiwr Mr Foden, Dafydd Roberts, gais am fechnïaeth.
Fe ddywedodd yr erlyniad ei fod yn brifathro.
Mae Mr Foden wedi'i gyhuddo o dair trosedd, gan gynnwys gweithgarwch rhywiol gyda phlentyn rhwng 13 a 15 oed a chyfathrebu rhywiol gyda phlentyn.
Bydd yn ymddangos yn Llys y Goron Caernarfon fis nesaf.
Dywedodd llefarydd ar ran Cyngor Gwynedd bod "unigolyn wedi ei wahardd o'i swydd nes bod ymchwiliad wedi ei gwblhau".
Ychwanegodd y datganiad: "Gallwn gadarnhau bod yr holl gamau diogelu plant yn cael eu dilyn."